Essential şirkəti hər şeyi özü edəcək yeni nəsil telefon üzərində işləyir

Onun əsasında süni intellekt dayanacaq.

Məlumdur ki, Essential Products şirkəti təsisçisinin Android-i yaradan olmasına baxmayaraq, smartfon bazarına uğurla daxil ola bilmədi.

Şirkət bir müddət əvvəl artıq smartfon buraxmayacağını və digər istehlakçı məhsullarına fokuslanacağını bəyan etmişdi. Əvvəlcə ev köməkçisi barədə məlumat verilmişdi. Görünür, bununla smart-displey və ya ağıllı səs ucaldıcı nəzərdə tutulurdu.

Amma yeni məlumatlar ondan xəbər verir ki, şirkət əvvəlki layihələr üzərindəki işləri yeni nəsil smartfonun hazırlanması üçün dayandırıb. Hələlik onun haqqında çox şey məlum deyil.

Xəbər verilir ki, aparat nisbətən kiçik ekranla təchiz olunacaq, belə ki, cihazla qarşılıqlı əlaqə səsli əmrlərlə icra olunacaq. Əsas ideya süni intellektin maksimum imkanlarıdır. Essential istəyir ki, cihaz məktub və mesajlara özü sərbəst cavab versin, görüşlər təyin etsin və s. Doğrudur, hər bir vəziyyətdə onun necə özünü aparacağını təsəvvür etmək çox çətindir. 

Amma hər şeyin düzgün işləyəcəyini təsəvvür etsək anlamaq lazımdır ki, belə məhsul hər kəsə lazım olmayacaq. Essential bunu anlayır, buna görə də öz cihazını smartfona əlavə kimi, ya da smartfonu əsasən kontent istifadəsi üçün istifadə etməyənlər üçün buraxacaq. Yəni əvvəlcədən aydındır ki, cihazın bazarı çox məhdud olacaq.

Prototip artıq CES-də göstərilə bilər, amma güman edilir ki, bu bağlı təqdimat olacaq. Anonsun tarixi hələlik məlum deyil.  

Mənbə: Ixbt.com