EYOF: Həndbol üzrə Azərbaycan yığması yarımfinala çıxa bilməyib
Azərbaycanın qızlardan ibarət həndbol yığması Bakı-2019 XV Avropa Gənclər Yay Olimpiya Festivalında yarımfinala vəsiqə qazanmaq şansını itirib.
“Report”un məlumatına görə, buna səbəb komandanın II turda Macarıstan kollektivinə 23:47 hesabı ilə uduzmasıdır. İlk turda İsveçrəyə 16:34 hesabı ilə yenilən millinin Çexiya ilə oyunu formal xarakter daşıyacaq.
İkinci turdan sonra İsveçrə və Macarıstan hərəyə 4 xalla yarımfinala vəsiqə qazanıb. Xal qazana bilməyən Çexiya və Azərbaycan milliləri son sıraları bölüşürlər.
Qeyd edək ki, qrup mərhələsində Çexiya ilə millimizin oyunu sabah 14:30-da başlayacaq.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət