Faciələr, xəstəliklər, dramlar və daha nələr: Məşhur Kennedi klanının payına düşən ağır sınaqlar

Bu yaxınlarda məşhur senator Robert Kennedinin 40 yaşlı nəvəsi oğlu ilə birgə  boğuldu, bundan sonra yenidən məşhur klanın lənətlənməsi barədə  söhbətlər yaranmağa başladı. Həqiqətən, bu məşhur ailədə həddindən artıq faciəli talelər və ölümlər olub ...

Məşhur ailə klanının qurucusu, amerikalı iş adamı və siyasətçi Jozef Patrik Kennedinin  (böyük) doqquz övladı vardı. Üçüncü oğlu, ABŞ Baş prokuroru və Nyu York ştatının senatoru Robert Fransis Kennedinin isə on bir uşağı olub. Bir sözlə, ailə böyükdür ... Demək olar ki, hər nəsillə bağlı bir neçə qəza və kədərli əhvalatlar baş verib. Kennedi qəbiləsinə  "onuncu dizə" qədər lənət verildiyi deyilir: guya Jozef Kennedi  uğur və rifah üçün sözün həqiqi mənasında başı üstə gedirdi  və bütün bunları  fəth edərkən kiməsə çox pislik etmişdi.

Rozmari Kennedi (ən sağda)

Belə ki, qızı Rozmari nəzərə çarpacaq inkişaf ləngimələri ilə böyüdü, sonra qəfil əhval dəyişikliyindən, qəzəbdən və zorakılığa meyldən əziyyət çəkdi. Uğursuz bir lobotomiyadan sonra (onu müalicə etmək üçün uğursuz cəhd göstərdilər), zehni qabiliyyətləri iki yaşlı bir uşağın səviyyəsinə endi, o, xüsusi  psixiatrik klinikaya yerləşdirildi, nəticədə faktiki olaraq bütün həyatı boyu  şikəst qaldı və 2005-ci ildə 86 yaşında öldü.

Ketlin Kennedi Kavendiş

Bacısı Ketlin Kennedi Kavendiş 28 yaşında aviaqəzada öldü, qardaşı Cozef isə naməlum səbəblərdən partlayan təyyarədə öldü.

Robert Frensis Kennedi 

Rozmarinin qardaşı Robert Frensis Kennedi 1968-ci ildə ABŞ prezidentliyinə namizəd oldu, ancaq həmin ilin iyun ayında fələstinli terrorçu tərəfindən öldürüldü. Onun oğlu Devid 29 yaşında narkotiklərin həddən artıq böyük dozasından öldü, oğlu Josef dəhşətli avtomobil qəzasından möcüzəvi şəkildə sağ çıxdı və oğlu Maykl dağ xizəyi sürərkən ağır xəsarət aldı. 

Devid Kennedi

Klanın ən məşhur üzvü (Cozef Patrik Kennedinin ikinci oğlu və Robertin böyük qardaşı), ABŞ prezidenti olmuş Con Kennedi, milyonlarla insanın və öz həyat yoldaşı Jaklinin qarşısında snayper gülləsindən öldü.

Jaklin və Con Kennedi

Cütlüyün ilk uşağı, qızları Arabella, doğumdan dərhal sonra öldü. Üçüncü uşaq - oğulları Patrik, vaxtından əvvəl dünyaya gəldi və doğuşdan 36 saat sonra öldü. Prezidentin ilk oğlu, moda jurnalının redaktoru və vəkil, müvəffəqiyyətli yaraşıqlı Con Fitscerald Kennedi 39 yaşında həyat yoldaşı və onun bacısı ilə birgə özlərinin idarə etdikləri  təyyarədə qəzaya uğrayaraq öldü.

Con Fitscerald Kennedi, həyat yoldaşı Karolin Cen Bisset ilə

Jaklin və Con F. Kennedinin son sağ qalan övladı - 62 yaşlı yazıçı, siyasətçi və hüquqşünas Kerolayn Bouvier Kennedi - üç övlad dünyaya gətirdiyi dizayner Edvin Şlossberq ilə evlidir.

Kerolayn  Kennedi əri ilə

2012-ci ildə ABŞ Prezidenti Con F. Kennedinin qardaşı oğlu Robert Fransis Kennedinin keçmiş həyat yoldaşı, Mari intihar etdi. O, Nyu-York ştatında yerləşən evinin yaxınlığındakı bir anbarda ölü tapıldı.

Robert Fransis Kennedi - kiçik., həyat yoldaşı Mari Riçardson ilə

2019-cu ilin yayında ABŞ-da Robert Kennedinin (ABŞ-ın 35-ci prezidenti Con F. Kennedinin qardaşı)  22 yaşlı nəvəsi öldü. Ölüm qadağan edilmiş preparatların  həddən artıq böyük dozada qəbulu nəticəsində baş verib.

Sirşa Kennedi

Bu il polis, Robert Kennedinin boğulan nəvəsinin cəsədini tapdı. Meyv Kennedi Taunsend Makkin və səkkiz yaşlı oğlu Gideon aprelin  2-də  Çesapiks Körfəzində itkin düşmüşdü.

Meyv Kennedi Taunsend Makkin ailəsi ilə

Sahildə bir evdə istirahət edərkən uşaqlar  top oynayırdılar və top suya yuvarlandı, Meyv və oğlu oyuncağı götürmək üçün kanoeyə oturdular, əri Devid Makkin xəbər verir. Onun dediyinə görə, onlar çox uzaqlaşıblar və geri qayıda bilməyiblər.

Mənbə: www.passion.ru