Slimfit
  1. MEDİA

FHN-in idmançıları növbəti uğurlara imza atıblar

FHN-in idmançıları növbəti uğurlara imza atıblar
Sakura

FHN-in idmançıları növbəti uğurlara imza atıblar

FHN-in idmançıları növbəti uğurlara imza atıblar

8-10 fevral 2022-ci il tarixlərində Azərbaycan Güləş Federasiyasının və Bakı şəhər Gənclər və İdman Baş idarəsinin təşkilatçılığı ilə sərbəst və yunan-Roma güləşi üzrə (U-21) gənclər arasında Azərbaycan çempionatı keçirilib.

Çempionatda 23 komandadan 200-ə yaxın idmançı öz qüvvəsini sınayıb. Fövqəladə Hallar Nazirliyinin İdman-sağlamlıq klubunun əməkdaşı Elmir Qəmbərovun və məşqçi-müəllim Alov Hüseynovun rəbərliyi ilə yarışlara qatılan FHN komandası uğurlu nəticələrə imza atıb.  Belə ki, yarışlarda 72 kq çəki dərəcəsində mübarizə aparan Davud Məmmədov gümüş, 92 kq çəki dərəcəsində iştirak edən Ramil Əsədov (FHN Akademiyasının kursantı) isə bürünc medal əldə edib.

10-17 fevral 2022-ci il tarixlərində Bakı Boks Mərkəzində Azərbaycan Boks Federasiyasının, Bakı şəhər Gənclər və İdman Baş idarəsinin birgə təşkilatçılığı ilə gənclər arasında boks üzrə Azərbaycan çempionatı keçirilib. Çempionatda 50-yə yaxın komandadan 180 idmançı mübarizə aparıb. FHN-in gənclərdən ibarət boks komandası Nazirliyin İdman-sağlamlıq klubunun əməkdaşı İlkin Ağayevin rəhbərliyi ilə yüksək nəticə göstərib. Belə ki, 60 kq çəki dərəcəsində mübarizə aparan Aysu Dərvişova qızlar arasında bütün rəqiblərinə qalib gələrək qızıl, oğlanlar arasında isə 48 kq çəki dərəcəsində yarışa qatılan  İlkin Qasımov bürünc medala sahibi olublar.

12-14 fevral 2022-ci il tarixlərində Bakı Əl Oyunları İdman Sarayında Azərbaycan Karate Federasiyaları Assosiasiyasının və Milli Karate Federasiyasının, Bakı şəhər Gənclər və İdman Baş İdarəsinin birgə təşkilatçılığı ilə uşaqlar arasında 4-cü Respublika birinciliyi, Yeniyetmələr və Gənclər arasında isə 22-ci Respublika birinciliyi keçirilib. Yarışlarda 45 komandadan 400-dən çox idmançı mübarizə aparıb. FHN-in İdman-sağlamlıq klubunun karate komandası məşqçi-müəllimlər Coşqun Sadıqov, Akif Kərimov və Rafael Məmmədovun rəhbərliyi ilə uğurla çıxış edib. Uşaqlar arasında +40 kq çəki dərəcəsində şəxsi kumite yarışlarında Əli Səfərov bütün rəqiblərini məğlub edərək fəxri kürsünün ən yüksək pilləsinə qalxıb, qızıl medala yiyələnib. +55 kq çəki dərəcəsində isə İbrahim Əliyev 3-cü yerə çıxaraq bürünc medalla kifayətlənib. Yeniyetmə və gənclər arasında karate komandasının üzvləri -61 kq çəki dərəcələrində Nicat Kərimli və Telli Hüseynova, -76 kq çəki dərəcəsində Nihad Kərimzadə yarışın gümüş medallarına sahib olublar.

Bundan əlavə, 25-27 fevral 2022-ci il tarixlərində Fövqəladə Hallar Nazirliyinn Hövsan qəsəbəsində yerləşən İdman-sağlamlıq klubunun idman arenasında Cüdo Federasiyasının, Azərbaycan Respublikasının Gənclər və İdman Nazirliyi ilə birgə gənclər arasında  (U-21) cüdo üzrə Azərbaycan birinciliyi keçirilib. Mübarizəyə respublikanın 59 rayon və şəhərindən olan klub, cəmiyyət və idman təşkilatlarından 242 idmançı qoşulub. FHN-in cüdo komandası məşqçi-müəllim Arzu Axundovun rəhbərliyi ilə mübarizə aparıb. Komandanın üzvü, -44 kq çəki dərəcəsində yarışan Bahar Əliyeva yalnız finalda rəqibinə məğlub olaraq yarışın gümüş medalını qazanmağı bacarıb.

1 mart 2022-ci il tarixində Fövqəladə Hallar Nazirliyinin İdman-sağlamlıq klubunun rəisi polkovnik Füzuli Musayev yarışlarda uğur qazanmış idmançılar və onların məşqçi müəllimləri ilə görüşərək onları  əldə etdikləri nailiyyətlərə görə təbrik edib, gələcək yarışlarda uğurlar arzulayıb.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Çanaqqala müharibələri, 1915 İbadət üçün düzəldilmiş məscid və güllə qutularından hazırlanan minbər

Redaktor seçimi

SON XƏBƏRLƏR