1. DÖVLƏT VƏ SİYASƏT

Finlandiyada 28 May - Respublika Günü qeyd olunub

Finlandiyada 28 May - Respublika Günü qeyd olunub

Finlandiyada 28 May - Respublika Günü qeyd olunub

Finlandiyanın Espoo şəhərinin Nuuksio Beynəlxalq Parkında 28 May - Respublika Gününə həsr olunmuş tədbir keçirilib.

Report”un Avropa bürosunun məlumatına görə, tədbir pandemiya şəraitinin qaydalarına uyğun keçirilib. 

Tədbirdə azərbaycanlılarla yanaşı, yerli ictimaiyyət nümayəndələri, türk icmasının üzvləri, iş adamları və fəal gənclər iştirak ediblər.

Azərbaycanın dövlət himninin səsləndirilməsi ilə başlanan tədbirdə Finlandiya Azərbaycanlıları Koordinasiya Şurasının əlaqələndiricisi və Azərbaycan-Türk Gənclər Təşkilatının sədri Ülviyyə Cabbarova qonaqlara 28 May – Respublika Gününun tarixi barədə məlumat verib. 

Azərbaycanlı Nəzrin Nəsibova isə tarixi günlə bağlı təqdimatla çıxış edərək bildirib ki, müsəlman şərqində ilk demokratik respublika olan Azərbaycan Xalq Cümhuriyyəti ölkəmizin çoxəsrlik sosial-iqtisadi, ictimai-siyasi və mədəni inkişafının, xalqımızın milli oyanışı və dirçəlişi proseslərinin məntiqi nəticəsi kimi meydana çıxıb.

 

Bildirilib ki, müasir müstəqil Azərbaycan dövlətinin qurucusu kimi milli dövlətçiliyimizin ideya əsasını da məhz ulu öndər Heydər Əliyev qoyub. Bu gün də Prezident İlham Əliyevin uğurlu siyasəti nəticəsində Azərbaycan gündən-günə dünyadakı nüfuzunu artırmaqda davam edir.

Eyni zamanda tədbirdə bu günlərdə Azərbaycanın Ermənistan tərəfindən 28 ildir işğal olunmuş Şuşa şəhərində qondarma andiçmə mərasimi ilə bağlı etiraz bəyanatı qəbul olunub. Bəyanatın beynəlxalq təşkilatların, o cümlədən BMT-nin Finlandiyadakı nümayəndəliklərinə göndərilməsi qərara alınıb.

Tədbirın bədii hissəsində Mona Safojifar Səməd Vurğunun “Azərbaycan” şeiri və Müslüm Maqomayevin Azərbaycan mahnısını ifa edib.

Mənbə:



Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

SON XƏBƏRLƏR