Ens.az
23 iyul 2019, çərşənbə axşamı
.
chevron_left chevron_right
İDMAN

'Formula 1': Böyük Britaniya Qran-prisi start götürüb

'Formula 1': Böyük Britaniya Qran-prisi start götürüb

34 Baxış
'Formula 1': Böyük Britaniya Qran-prisi start götürüb

"Formula 1" üzrə mövsümün 10-cu Qran-prisi bu gün Böyük Britaniyanın Northemptonşir şəhərindəki "Silverstoun" trasında iki sərbəst yürüşlə start götürəcək. 

"Report"un məlumatına görə, bu, hazırkı lider, "Mercedes" pilotu Lüis Hemiltonu vətənində baş verəcək. Ötən mərhələdə qalib adını əsas rəqib olan "Ferrari"nin pilotları yox, "Red Bull"un hollandiyalı sürücüsü Maks Ferstappen qazanıb. Bu dəfə isə Hemiltonun öz evində rekord sayda - 6-cı qələbəsini qazanmaq istəyi ilə alışıb-yanacağı şübhə doğurmur. Lakin "Ferrari"də çıxış edən almaniyalı Sebastyan Fettellə monakolu Şarl Lekleri də hesabdan silmək olmaz. Hərçənd, onlar hələ mövsümdə ilk qələbələrini əldə edə bilməyiblər. 

İyulun 13-də üçüncü sərbəst yürüş və təsnifat mərhələsi olacaq. Proqram iyulun 14-də Bakı vaxtı ilə saat 17:10-da başlanacaq yarışla yekunlaşacaq. 

Qeyd edək ki, Böyük Britaniya Qran-prisi ilk dəfə 13 may 1950-ci ildə keçirilib. Bu, həm də "Formula 1" tarixinə birinci Qran-pri kimi düşüb. "Silverstoun" avtodromunun sxemi indiyədək 9 dəfə dəyişib. Tras çətin, yüksək sürətli və çoxlu cəld döngələrə malikdir.


VİDEO QALEREYA
Borneo adasında bam-balan adlı qeyri-adi meyvə var. Xarici görünüşünə görə tünd rəngli malayziya manqosuna, dadı isə smetanla olan borşa oxşayır.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X