Slimfit
  1. DÜNYA

Fransada rekord sayda şirkət müflis oldu

Fransada rekord sayda şirkət müflis oldu
Sakura

Fransada rekord sayda şirkət müflis oldu

2023-cü ildə Fransada 55 mindən çox şirkət bağlanıb ki, bu da 2017-ci ildən bəri ən yüksək göstəricidir.

Yeniavaz.com xarici KİV-ə istinadla xəbər verir ki, bu barədə cümə günü Fransa Bankının saytında dərc olunmuş hesabatda məlumat verilib.

“2023-cü ildə müflislərin sayı dekabrın sonuna kimi 55 492-yə yüksəlib”, - hesabatda bildirilib.

Bu göstərici son 12 ayda özəl müəssisələrin müflisləşməsi və ləğvi hallarının orta sayı əsasında hesablanıb. Hesabatdakı qrafikə görə, 2017-ci ilin avqustunda və 2008-ci ilin dekabrına qədər bu göstərici daha yüksək olub.

Fransa Bankının qeyd etdiyi kimi, cari səviyyə 2010-2019-cu illər arasında orta göstəricini (59 342) keçməyib. COVID-19 pandemiyası (2020-2021) zamanı bu rəqəm 2 dəfə az olub.

Əksər hallarda söhbət 250 nəfərə qədər işçi heyəti olan kiçik və orta müəssisələrdən (55 435) gedir. Eyni zamanda, ötən il bağlanan 250-dən çox işçisi olan orta və iri şirkətlərin sayı 57-yə çatıb ki, bu da əvvəlki illə müqayisədə iki dəfə çoxdur.

Mənfi tendensiya daha çox restoran və mehmanxana biznesində (2022-ci illə müqayisədə +44,6%) və informasiya-kommunikasiya texnologiyaları sahəsində (+44,4%) nəzərə çarpır. Daşınmaz əmlak sektorunda (+40,4%) və tikintidə (+38,7%) şirkətlərin sayı da kifayət qədər əhəmiyyətli dərəcədə azalıb. Yalnız kənd təsərrüfatı sektorunda vəziyyətin nəzərəçarpacaq dərəcədə yaxşılaşması müşahidə olunur (-1,3%).

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Arılar heç vaxt yatmır.

Redaktor seçimi

SON XƏBƏRLƏR