G7 xarici işlər nazirləri Rusiyaya qarşı sanksiyaları sərtləşdirməyə söz veriblər

G7 xarici işlər nazirləri Rusiyaya qarşı sanksiyaları sərtləşdirməyə söz veriblər

Yeddilik Qrupu (G7) ölkələrinin xarici işlər nazirləri Rusiyaya qarşı sanksiyaları sərtləşdirməyə, habelə onlardan yayınma ilə mübarizə səylərini gücləndirməyə söz veriblər.

Ens.az Bizimyol.info-a istinadən xəbər verir ki, bu barədə İtaliyanın xarici işlər naziri Antonio Tajani Münhen Konfransı çərçivəsində “Yeddilik” qrupunun xarici işlər orqanları rəhbərlərinin iclasının sədri kimi bildirib.

"Xarici işlər nazirləri Ukraynaya hərbi, maliyyə, siyasi, humanitar, iqtisadi və inkişaf dəstəyi göstərmək, habelə Rusiyaya və onun müharibəsini maddi cəhətdən dəstəkləyənlərə qarşı sanksiyaları gücləndirmək üçün tərəfdaşlarla koordinasiyanı davam etdirmək niyyətlərini ifadə ediblər", - deyə sənəddə deyilir.

"Onlar həmçinin sanksiyalardan və ixrac nəzarətindən yayınma ilə mübarizə səylərini gücləndirmək niyyətlərini ifadə ediblər", - deyə bəyanatda qeyd olunub.