İnfraqırmızı spektrdə çəkilmiş fotolar gündüz çağı üzə çıxmayan canlı varlıqlara tamaşa etməyə imkan…
Fotoqraf Eric Médard gün işığından gizlənən canlı varlıqları infraqırmızı spektrdə lentə alıb. Bu fotoda ev siçanları təsvir edilib.
Médard 25 il ərzində infraqırmızı avadanlığını təkmilləşdirib. Adətən o, Fransadakı evini əhatə edən meşəlikdə şəkilləri çəkir. Orada gecə heyvanlarına rast gəlmək daha asandır.
"Bir çox heyvanlıar gecələr daha fəal olur, baxmayaraq kı gündüz foto çəkmək daha rahatdır. Gündüz görünən aysberqin yalnız zirvəsidir", Médard deyir. Siçan ovlamış bu meşə dələsi bağda lentə alınıb.
Meşə dələsi incəbelli, rəngarəng və ehtiyyatlı zərif heyvandır. Adətən oyuqlu, çala ağacların gövdəsində və ya sıldırım qayalıqlarda özünə yuva qurur.
"Heyvanların gecə həyatı barədə məlumat çox azdır", fotoqraf deyir. "Infraqırmızı kameralar heyvanların gecə həyyatının sirrli aləminin pərdəsini bir qədər qaldırmağa imkan verir". Bu şəkildə cüyür əks olunub.
Médard cecələr heyvanları çəkməyə 28 il bundan əvvəl başlayıb. O zaman, Médard ağ-qara fotolentə porsuğu çəkib. Porsuqlar gecələr yuvadan bayıra çıxır. Onlar bir gecəyə yüzlərlə torpaq qurdu yeyirlər. Şəkildəki porsuq isə bağ ərazisində çəkilib. Mayenne, Pays de Loire.
"Mənim infraqırmızı və səssiz işləyən foto avadanlığım heyvanların heç xəbəri də olmadan onları lentə almağa imkan verir". Bu fotoda qonur ayı Sloveniya meşəsində lentə alınıb.
"Təsvirin uğurlu alınması üçün heyvanın xasiyyətini, vərdişlərini xırdalığınadək öyrənmək lazımdır", fotoqraf qeyd edir. Bu fotoda gecə çağı çaya ova çıxan suomuru təsvir olunub.
"Heyvan siz gözlədiyiniz yerə gəlməyəndə, kameranıza heç nə düşməyəcək", Eric Médard xəbərdarlıq edir. Şəkildə qonur tülkü əks olunub.
Mənbə: BBC Azərbaycan
Şərhlər
Şərhləri göstər Şərhləri gizlət