Ens.az
23 noyabr 2019, şənbə
.
.
Ülfət Ziyafətqızı

Gəlmişdim

Gəlmişdim şeiri

Dəli küləklərə qoşulub gedən

Yolunu itirmiş bir ovuc eşqəm.

Suyun bağrı yansa,nə söndürər ki?

Gözümün bağrında odlanır yaş qəm.

 

Mən ki bu dünyaya xoşbəxt olmağa

Bir əlçim sevgidən qopub gəlmişdim.

Deyəsən çox körpə doğuldum bir az

Dünyanı bətndən geniş bilmişdim.

 

Dərin bir yuxunun həsrətindəyəm,

Başımı qoymağa bir çiyin tapım.

Daha yorulmuşam,kəsilsin hay-küy,

Bir yorgun sükutun gözündən öpüm.

 

...Mən ki bu dünyaya xoşbəxt olmağa

Bir əlçim sevgidən qopub gəlmişdim...


X