1 aprel 2020, çərşənbə
.
.
chevron_left chevron_right
AVTO VƏ MOTO

Gəncə şəhərində retro maşınların sərgisi keçirilib

Gəncə şəhərində retro maşınların sərgisi keçirilib

1330 Baxış
Gəncə şəhərində retro maşınların sərgisi keçirilib

Ens.az xəbər verir ki, bu gün Gəncə şəhərində AVTOKLUB AZƏRBAYCAN-ın təşkilatçılığı ilə retro avtomobillərin sərgisi keçirilib. Tədbir Grand Qafqaz Ticarət kompleksinin sponsorluğu, Avtoehtiyat.com, Azericars.az və Ens.az saytlarının media dəstəyi ilə keçirilib. İlk olaraq klubun yaranma tarixindən danışılıb. Sonra isə sərgidə iştirak edən avtomobillər haqqında ətraflı məlumat verilib. Həmçinin sərginin musiqi ilə müşayiət olunması tədbirdə novruz abu havası yaşanıb. Gəncədə ilk olaraq keçirilən bu tədbirin təşkilatçısı və klubun təsisçisi Natiq Əliyev retro avtomobillərinin sərgisinin keçirilmə məqsədi və avtomobillərin toplanması barədə ətraflı danışıb:

Sərginin keçirilmə məqsədi nədir?

Məqsədimiz o oldu ki, Gəncə şəhərində olan retro avtomobilləri imkanımız daxilində üzə çıxaraq, onları həm Gəncə və Gəncəbasar, həm də respublikamızda olan avtomobil həvəskarlarına tanıdaq. Digər tərəfdən, şəhərimiz və şəhər sakinləri üçün bir yenilikdir. Belə tədbirlərin keçirilməsində məqsəd şəhər sakinlərinin, xüsusən də cavan nəslin asudə vaxtlarını səmərəli, faydalı keçirilməsidir.

Avtomobilləri necə toplaya bildiniz?

Retro avtomobillərin toplanması çox maraqlı oldu. İlk öncə avtomobilləri toplamaq üçün Klub Üzvlərinə Klub daxilində, Gəncə ağsaqqalı, ziyalısı İlyas Xəlilova, Gəncə Grand Qafqaz Ticarət Kompleksinin əməkdaşı, hörmətli Mahmud müəllimə və bəzilərini internet üzərindən onlayn mağazalardan taparaq müraciət etdik. Bəzi avtomobilləri təsadüfən yolda hərəkətdə olan zaman işarə edərək saxlamasını xahiş edib, yaxınlaşaraq müraciət etmişik, onlar da dəvətimizi qəbul ediblər. Bu tədbirin baş tutmasında zəhməti keçən və dəvətimizi qəbul edən hər kəsə minnətdaram. Xüsusilə onu da qeyd edim ki, İlyas müəllim və Mahmud müəllim Facebook sosial şəbəkəsi üzərində yaradılmış Gəncə və Gəncəlilər qrupunun rəhbər heyətinin nümayəndələridir. Fürsətdən istifadə edib Gəncə və Gəncəlilər qrupunun rəhbər heyətini buradan salamlayır, onlara can sağlığı və Gəncəmizin tarixinin araşdırılması, sosial tədbirlərin təşkilində, şəhərimizin inkişafı üçün gördükləri və görəcəkləri gələcək işlərində hər birinə uğurlar arzu edirəm.

Natiq bəy gələcəkdə də klubun təşkilatçılığı ilə maraqlı tədbirlərin keçiriləcəyini bildirib.

Hər kəsi endirim və fürsətlərdən yararlanmaq üçün kluba dəvət edirik.

 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
İspaniya tərcümədə "dovşanlar məkanı" deməkdir
Emosiya ilə reaksiya ver!
  • 0
  • 0
  • 0
  • 0
  • 1
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X