4 aprel 2020, şənbə
.
.
chevron_left chevron_right
ARXEOLOGİYA

Gəncə və Goranboydakı qədim kurqanlar xarici alimlərlə birgə araşdırılacaq

Gəncə və Goranboyda aşkar edilmiş ilk tunc dövrünə aid kurqanlar Azərbaycan, italyan, alman və fransız alimlərlə birgə araşdırılacaq

Gəncə və Goranboydakı qədim kurqanlar xarici alimlərlə birgə araşdırılacaq

Gəncə və Goranboyda aşkar edilmiş ilk tunc dövrünə aid kurqanlar Azərbaycan, italyan, alman və fransız alimlərlə birgə araşdırılacaq.

AMEA Arxeologiya və Etnoqrafiya İnstitutundan Trend-ə verilən məlumata görə, iyunun 11-dən etibarən Gəncə və Goranboy ərazisində AMEA Arxeologiya və Etnoqrafiya İnstitutunun sektor rəhbəri, tarix üzrə fəlsəfə doktoru, dosent Bəxtiyar Cəlilovun və Florensiyadakı (İtaliya) Lorenzo de` Medici Beynəlxalq İtaliya İnstitutunun Dini tədqiqatlar departamentinin (SoRS/School of Religious Studies) müdiri, professor Nikola Lanerinin həmrəhbəri olduqları Azərbaycan-İtaliya Beynəlxalq arxeoloji ekspedisiyası tədqiqatlara başlayıb. Beynəlxalq ekspedisiyanın tərkibinə İtaliyanın Qədim Aralıq Dənizi Hövzəsi və Yaxın Şərq Tədqiqatı Mərkəzinin (CAMNES), həmçinin, müxtəlif arxeometrik sahələr üzrə Almaniya və Fransadan olan mütəxəssislər də cəlb edilib. Arxeoloji qazıntıların əsas obyektləri Gəncə şəhəri ətrafındakı son tunc — erkən dəmir dövrünə və Goranboy rayonu Qaradağlı kəndi ərazisində aşkar edilmiş ilk tunc dövrünə aid kurqanlar olub.

Professor Nikola Laneri bildirib ki, Gəncə şəhəri ətrafında hələ 2015-ci ildə Azərbaycan arxeoloqları tərəfindən GPS cihazları ilə qeydə alınmış kurqanların müasir tələblərə uyğun tədqiqi və müfaviq konservasiya durumuna gətirilərək ərazidə kurqanlardan ibarət dünyada ilk dəfə unikal arxeoparkın təşkili tədqiqaların perspektivlərinə daxildir.

 

Həmçinin, Goranboy ərazisində müasir arxeoloji tədqiqatların tələblərinə uyğun olaraq ilk tunc dövrünə aid kollektiv dəfnli kurqanın tədqiqatının ilkin mərhələsi yekunlaşıb.

Bu mərhələ müddətində kurqanın örtüyü xüsusi cihazlarla və qeydiyyat prosedurları ilə tədqiq edilib. Kurqanın örtüyündə Kür-Araz mədəniyyətinin son mərhələsinə aid sallama dəfnlər aşkar edilib. Aşkar edilmiş materialların nümunələri dünyanın aparıcı laboratoriyalarında müxtəlif istiqamətli analizlərə təqdim ediləcəklər. Kurqan örtüyü altında aşkar edilmiş kollektiv dəfnli kameranın (“kurqanaltı sərdabə”) xüsusi metod və cihazlarla tədqiqi artıq gələn ilin tədqiqat mövsümünə planlaşdırılıb. Professor N.Laneri xüsusi olaraq vurğulayıb ki, arxeologiyada Kür-Araz mədəniyyəti problemləri kontekstində unikal bir təzahür olan kurqanaltı sərdabələr ilk tunc dövrü üçün “Azərbaycan fenomeni” kimi dəyərləndirilməkdədir.

Mənbə: Trend.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Uşaqların ağlaması dünyada ən qıcıqlandırıcı səsdir
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X