1 aprel 2020, çərşənbə
.
.
chevron_left chevron_right
KƏND TƏSƏRRÜFATI

Gəncədə heyvanlar arasında iti yoluxucu xəstəliklərə qarşı profilaktik tədbirlər aparılır

Gəncədə heyvanlar arasında iti yoluxucu xəstəliklərə qarşı profilaktik tədbirlər aparılır

Gəncədə heyvanlar arasında iti yoluxucu xəstəliklərə qarşı profilaktik tədbirlər aparılır

 Kənd Təsərrüfatı Nazirliyi yanında Dövlət Baytarlıq Xidməti (DBX) Gəncədə heyvanlar arasında profilaktik peyvəndləmə tədbirlərinin və diaqnostik müayinələrin icrasına başlanılıb.

Bu barədə “Report”a DBX-dən bildirilib.

Dövlət Baytarlıq Xidmətinin Gəncə Şəhər Baytarlıq İdarəsi tərəfindən indiyə kimi şəhərin ayrı-ayrı təsərrüfatlarında 1300 baş iribuynuzlu heyvanda qarayara, 296 baş qapı itində quduzluq, 460 baş quşda (“La-sota” ştammı ilə) nyukasl xəstəliklərinə qarşı profilaktik peyvəndləmə və 11000 kvadratmetr sahədə profilaktik dezinfeksiya işləri görülüb. Həmçinin, 32 baş atda manqo, 294 baş iribuynuzlu heyvanda vərəm, 87 baş iribuynuzlu heyvanda bruselyoz xəstəliklərinə görə diaqnostik müayinə aparılıb və xəstəliklərə yoluxma halı qeydə alınmayıb. Eləcə də bu müddət ərzində Avstriyadan idxal olunan 186 baş simmental cinsindən olan damazlıq düyələrdə dabaq xəstəliyinə qarşı profilaktik peyvəndləmə aparılıb və bruselyoz xəstəliyinin müayinəsi məqsədi ilə qan nümunəsi götürülüb.

Fevralın ayının 10-dan başlayaraq, bütün ölkədə olduğu kimi, Gəncə də iribuynuzlu heyvanlar arasında dabaq xəstəliyinə qarşı (A, O, Asiya-1 tipinə qarşı) peyvəndləmə tədbirinə başlanılıb. Artıq 1300 baş iribuynuzlu heyvanda bu tədbir aparılıb. Tədbirlər davam etdirilir.

Xatırladaq ki, dabaq xəstəliyi də digər iti yoluxucu xəstəliklər kimi, «Baytarlıq sahəsində profilaktikası, diaqnostikası və ləğvi dövlət büdcəsindən maliyyələşdirilən heyvanların xüsusi təhlükəli xəstəliklərinin siyahısı»a daxil edilib.

Aparılan tədbirlər çərçivəsində baytar mütəxəssisləri iti yoluxucu xəstəliklər barədə təsərrüfat sahiblərinə ətraflı məlumat verərək təsərrüfatlarında baytarlıq-sanitariya qaydalarına ciddi əməl edilməsini tövsiyə edirlər.

Gəncə şəhəri ərazisində mövcud olan heyvanlarda bundan sonra da peyvəndləmə tədbirləri davam etdiriləcək. Belə ki, iribuynuzlu heyvanlarda dabaq, nodulyar dermatit, leptespiros, xırdabuynuzlu heyvanlarda qarayara, dabaq, çiçək, leptespiros xəstəliklərinə qarşı profilaktik peyvəndləmə tədbirləri aparılacaq.

Dövlət Baytarlıq Xidməti bildirir ki, rayon (şəhər) baytarlıq idarələri baytarlıq preparatları, lazımi ləvazimat və avadanlıqlarla təmin edilib.

Hazırda xüsusi təhlükəli xəstəliklərə görə respublikada epizootik vəziyyət sabitdir.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
1942-ci ildə Qazaxın Şıxlı kəndinə cəbhədən gələn kimsə Qəhrəman müəllimə deyir ki, oglunuz İsmayıl döyüşdə həlak oldu. Meyitini özüm gördüm. Ailə üzvləri ona yas saxlayır, hətta qırx mərasimi də verirlər. Amma İsmayil Şıxlı 3 il sonra cəbhədən sag-s
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X