1. MEDİA

Gəncədə Xocalı qurbanlarının xatirəsinə 613 ağac əkilib

Gəncədə Xocalı qurbanlarının xatirəsinə 613 ağac əkilib

Bəşər tarixinin ən qanlı cinayətlərindən olan Xocalı faciəsindən 29 il ötür. Faciənin ildönümü ilə əlaqədar Gəncədə anım tədbiri və ağacəkmə aksiyası keçirilib.

Bəşər tarixinin ən qanlı cinayətlərindən olan Xocalı faciəsindən 29 il ötür. Faciənin ildönümü ilə əlaqədar Gəncədə anım tədbiri və ağacəkmə aksiyası keçirilib.

Anım mərasimində Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki Baş Konsulu Zeki Öztürk, Gürcüstanın Gəncədəki Baş Konsulu Nikolas İaşvili, hüquq-mühafizə orqanlarının rəhbərləri və digər vəzifəli şəxlər iştirak ediblər. Onlar Xocalı sakinlərinin müvəqqəti məskunlaşdığı “Yeni qəsəbə - 2”də ucaldılan “Xocalı” abidəsini ziyarət edib, önünə tər çiçəklər düzüblər.

Gəncə Şəhər İcra Hakimiyyətinin başçısı Niyazi Bayramov  Xocalı sakinləri ilə görüşüb, onlara başsağlı verib.

Qeyd edək ki, “Xocalı” abidəsi şəhərdə fəaliyyət göstərən idarə, müəssisə və təşkilatlar, habelə şəhər sakinləri tərəfindən xüsusi karantin rejimi qaydalarına riayət olunmaqla gün ərzində ziyarət ediləcək. 

Daha sonra Xocalı soyqırımı qurbanlarının xatirəsini yad etmək məqsədilə ağacəkmə aksiyası təşkil olunub. Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən “Xocalıya ədalət!” beynəlxalq kampaniyası çərçivəsində təşkil edilən aksiyada soyqırımı qurbanlarının xatirəsinə 613 ağac əkilib. Aksiyada şəhər rəhbərliyi, idarə, müəssisə və təşkilatların nümayəndələri, gənclər iştirak ediblər.

Aksiya çərçivəsində yerli iqlim şəraitinə uyğunlaşdırılmış ağac tingləri əkilib. Əkilən tinglərə aqrotexniki qulluq göstərilib, suvarılıb.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

1989-cu ildə üç rəngli bayrağımız ilk dəfə Gəncə Şəhər İcra Hakimiyyəti binasının üzərində dalğalanmışdır.

Redaktor seçimi

SON XƏBƏRLƏR