Gəncənin küçə və prospektlərində dezinfeksiya işləri davam edir

Koronavirus infeksiyasının yayılmasının qarşısının alınması məqsədilə Gəncədə küçə və prospektlərdə, habelə çoxmənzilli binalarda dezinfeksiya işləri davam etdirilir.

Ens.az xəbər verir ki, APA-nın yerli bürosunun xəbərinə görə, Nazirlər Kabineti yanında Operativ Qərargahın göstərişlərinə əsasən koronavirus infeksiyasının yayılmasının qarşısının alınması məqsədilə müvafiq tədbirlər görülür. Bu tədbirlərdən biri də dezinfeksiya işlərinin aparılmasıdır.

Bu gün Gəncə Şəhər İcra Hakimiyyəti MKTİB-nin xüsusi təlimatlar almış əməkdaşları tərəfindən şəhərin mərkəzində, əhalinin sığlıq təşkil etdiyi Heydər Əliyev meydanında, Cavad xan küçəsində, Xan bağı və digər anoloji sahələrdə dezinfeksiya işləri aparılıb.

Qeyd edək ki, Operativ Qərargahın yeni qərarı ilə may ayının 18-dən parklar, bulvarlar və digər istirahət guşələri sakinlər üçün yenidən açıq elan olunub. Bununla əlaqədar Gəncə şəhərindəki bütün parklarda, xiyabanlarda, bulvarda və əhali sıxlığı təşkil edən gəzinti ərazilərində bu qərara uyğun olaraq virusun yayılması əleyhinə tədbirlər görülür. Həmin ərazilərdə dezinfeksiya, qazonların kəsilməsi, sakinlərin ara məsafənin saxlanılmasına nəzarət və təmizlik işləri görülür.

Mənbə: