Google bu məşhur fransız şirkəti ilə dərman hazırlanmasında birbaşa iştirak edəcək

Alphabet holdinqin tərkibində olan Google şirkəti fransanın Sanopi şirkəti ilə farma layihəsi çərçivəsində müqavilə imzalayıb. Müqaviləyə əsasən Sanofi yeni müalicə metodları araşdırmasında Google texnologiyalarından istifadə edəcək. Bu texnologiyalar araşdırma zamanı daha sürətli nəticələr əldə etmək, yeni dərmanların tapılmasında effektivliyi artırmaq və müalicənin necə getdiyini anlamaq baxımından şirkətə əlavə yardım edəcək. Bu haqda Sanofi press reliz zamanı məlumat verib. 

Google şirkətinin araşdırmaları Sanofi - yə müalicə prosesinə yeni baxışla baxmağa yardımçı olması planlaşdırılır. Google Aİ proqramı süni intelektdən istifadə edərək xəstəliyin bütün müalicə dövrü ərzində dərmana olan reaksiya və gedən digər proseslərin daha dərindən öyrənilməsinə yardımçı olacaq. 

Google və Sanofi arasındakı partnyorluq texnologiya sektorunun necə müştəri bazasını genişləndirməsinə və gələcək perspektivlərin olmasına dair bariz nümunədir. Farma şirkətləri effektivliyi artıraraq bununla artan xərcləri konpensasiya etmək isdəyirlər. Bunun üçün onlar data analizi üzrə spesialistlər işə götürürlər və texnoloji araşdırmalara son illərdə daha çox yatırım edirlər. 

Bu xəbərlər fonunda analitiklər Alphabet -in səhmlərinin 12 ayda 22% dəyər qazanacağını proqnoz edirlər. Refinitiv - in 44 analitik arasında keçirdiyi sorğuda 39 - u səhmləri almaq , 5 - i isə saxlamaq məsləhəti verib. Satmaq barədə heç bir analitik fikir bildirməyib. 

Qeyd edək ki, Fransa şirkəti olan Sanofi 2004 - cü ildə Sanofi - Synthelabo və Aventis şirkətlərinin birləşməsi zamanı yaranıb. Sanofi - insulin, vaksin, ürək damar xəstəlikləri və xərçəngə qarşı dərmanlar hazırlayır. 2018 - ci ildə şirkətin satışları 38,8 milyard dollar təşkil etmişdir. Baş ofisi Paris şəhərində yerləşir.