"Google Gemini"nin Azərbaycandakı bazar payı 2 ayda 5 dəfəyə yaxın azalıb

İyun ayında Azərbaycanda bütün platformalarda (kompüter, mobil cihazlar və planşetlərdə) süni intellekt (AI) "chatbot"u olan "ChatGPT"nin bazar payı 85,86 % təşkil edib.

"Report"un "Statcounter" agentliyinin son hesabatına istinadən verdiyi məlumata görə, bu, may ayına nisbətən 6,34 faiz bəndi çoxdur, 2025-ci ilin eyni dövrünün göstəricisi ilə müqayisədə isə 10,35 faiz bəndi azdır.

İkinci pillədəki "Google Gemini"nin bazar payı aylıq 8,98 faiz bəndi azalaraq, illik isə 3,71 faiz bəndi artaraq 4,48 % təşkil edib. Beləliklə onun payı təkcə son 2 ayda 4,5 dəfə azalıb.

Növbəti yerdə qərarlaşan "Perplexity"nin bazar payı aylıq 2,41 faiz bəndi, illik isə 3,98 faiz bəndi artaraq 4,47 % təşkil edib.

Dördüncü yerdəki "Claude"un bazar payı aylıq 0,98 faiz bəndi, illik isə 3,67 faiz bəndi artaraq 3,81 % təşkil edib.

İlk beşliyi 1,38 %-lik bazar payı ilə "Microsoft Copilot" qapayır. Onun payı aylıq 0,74 faiz bəndi, illik isə 1,01 faiz bəndi azalıb.

Müxtəlif platformaların bazar payına görə AI "chatbot"larının ilk beşliyi aşağıdakı kimidir:

Kompüterlərdə:

"ChatGPT" – 84,81 % (aylıq 7,15 faiz bəndi çox və illik 11,5 faiz bəndi az);

"Google Gemini" – 4,45 % (aylıq 10,22 faiz bəndi az və illik 3,65 faiz bəndi çox);

"Perplexity" – 4,84 % (aylıq 2,72 faiz bəndi və illik 4,52 faiz bəndi çox);

"Claude" – 4,32 % (aylıq 1,11 faiz bəndi və illik 4,16 faiz bəndi çox);

"Microsoft Copilot" – 1,58 % (aylıq 0,73 faiz bəndi və illik 0,83 faiz bəndi az);

Mobil cihazlarda:

"ChatGPT" – 92,96 % (aylıq 0,41 faiz bəndi və illik 3,02 faiz bəndi az);

"Google Gemini" – 4,69 % (aylıq 0,27 faiz bəndi və illik 4,12 faiz bəndi çox);

"Perplexity" – 2,05 % (aylıq 0,39 faiz bəndi və illik 0,33 faiz bəndi çox);

"Claude" – 0,29 % (mayda və bir il əvvəl payı 0 həddində olub);

Planşetlərdə:

"ChatGPT" – 100 % (aylıq 50 faiz bəndi və illik 50 faiz bəndi çox);