29 mart 2020, bazar
.
.
chevron_left chevron_right
TEXNOLOGİYA

"Google"ın gəliri rekord qırdı

"Google"ın gəliri rekord qırdı

"Google"ın gəliri rekord qırdı

İnternet şirkəti "Google", bu ilin 3-cü rübündə 33.7 milyard dollarla tarixinin ən yüksək rüblük gəlirinə çatıb. Ancaq analitiklərin "gəlir proqnozdan aşağıdır" qiymətləndirməsindən sonra, "Google"ın ana şirkəti "Alphabet"in səhmləri ucuzlaşıb.

"Google"ın ana şirkəti "Alphabet", 2018-ci ilin 3-cü rübünün maliyyə nəticələrini açıqlayıb. Şirkətin İyul-Avqust-Sentyabr dövründəki cəmi gəlirləri əvvəlki ilin eyni dövrü ilə müqayisədə 21% artımla 27.8 milyard dollardan 33.7 milyard dollara qalxıb.

Bu gəlir rəqəmi, "Google" tarixinin ən yüksək rüblük gəliridir. "Google", bu gəlirlərinin  86%-ni və ya  28.9 milyard dollarını reklamlardan əldə edib.

Ötən ilin 3-cü rübündə 6.7 milyard dollar olan şirkətin xalis mənfəəti, bu ilin 3-cü rübündə 37%-lik artımla 9.2 milyard dollara yüksəlib.

 

GÜNDƏLİK QAZANCI 102 MİLYON DOLLARDIR

2018-in 9 ayı ərzində isə "Google"ın cəmi gəlirləri 24 faiz artımla 97.5 milyard dollara, xalis mənfəəti isə 39%-lik artımla 21.8 milyard dollara çatıb.

"Google"ın gündəlik gəliri 375 milyon dollar, gündəlik xalis mənfəəti isə 102 milyon dollar olub. Bu rəqəmlər 2017-ci ildə isə müvafiq olaraq 308 milyon dollar və 75 milyon dollar səviyyəsində idi.

 

SƏRMAYƏÇİSİ MƏMNUN DEYİL

30 Sentyabr 2018-ci il tarixində kassasında 13.4 milyard dollarlıq nağd vəsaiti olan şirkətin gəlirlərinin "Wall Street"in analitiklərinin gözləntilərindən aşağı olması, ABŞ birjalarında "Alphabet" səhmlərinin 4 faiz ucuzlaşmasına səbəb olub.

 

Mənbə: Fed.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Italiya
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X