Güldara Nurimova: İqlim dəyişmələrinin səhiyyəyə təsirlərini azaltmaq üçün türk dövlətlərinin birgə fəaliyyəti vacibdir

İqlim dəyişmələrinin səhiyyə sisteminə təsirlərini azaltmaq üçün Türk dövlətlərinin birgə fəaliyyəti vacibdir.

Ens.az Report.az-a istinadən xəbər verir ki, bunu Qazaxıstan Parlamenti Məclisinin Sosial və Mədəni İnkişaf Komitəsinin üzvü Güldara Nurimova Milli Məclisdə keçirilən "İqlim dəyişmələri və sağlamlıq: Qanunvericilikdə iqlim dəyişmələrinin sağlamlığa təsirlərinə dair cavab tədbirləri" mövzusuna həsr edilmiş TÜRKPA üzv parlamentlərinin Səhiyyə komitələri sədrlərinin ikinci iclasında deyib.

O qeyd edib ki, ilk olaraq dövlətlərin tibb personalının bilik və bacarıqları artırılmalıdır:

"Hesab edirik ki, TÜRKPA-ya üzv ölkələrin parlamentlərinin müvafiq komitələri arasında əməkdaşlıq gücləndirilməli, ictimaiyyət isə iqlim dəyişikliyinin sağlamlığa təsirləri barədə yetərincə məlumatlandırılmalıdır.

Eyni zamanda, təbii fəlakətlərə dair erkən xəbərdarlıq sistemlərinin inkişaf etdirilməsi çox vacibdir".