28 may 2020, cümə axşamı
.
.
chevron_left chevron_right
TİBB VƏ SAĞLAMLIQ

Günəş tutulmasının insan səhhətinə təsiri açıqlandı

Günəş tutulmasının insan səhhətinə təsiri açıqlandı

Günəş tutulmasının insan səhhətinə təsiri açıqlandı

AMEA Şamaxı Astrofizika Rəsədxanası bu gün baş verən Günəş tutulmasının havaya olan təsirini açıqlayıb.

Yenicag.az -ın məlumatına görə rəsədxananın elmi işlər üzrə direktor müavini, fizika üzrə fəlsəfə doktoru Xıdır Mikayılov Trend-ə bildirib:

“Günəş, eləcə də Ay tutulmaları havanın temperaturunun dəyişməsinə və iqlimlə bağlı digər proseslərin baş verməsinə heç bir təsir göstərmir. Bu tutulmalar Günəş və Ayın hərəkəti ilə bağlı olan adi astronomik təbiət hadisələridir. İl ərzində bir necə dəfə Günəş və Ay tutulmaları baş verir. Bu il 3 Günəş tutulması baş verməli idi, onun ikisi artıq baş verib. Digər Günəş tutulması avqustun 11-də olacaq”.

X.Mikayilov qeyd edib ki, Günəş və Ay tutulmalarının insan səhhəti üçün heç bir təhlükəsi olmur.

Direktor müavini əlavə edib ki, bu gün Bakı vaxtı ilə saat 05:48-də başlayan Günəş tutulması hadisəsi saat 08:13-də başa çatır.

Həmin təbiət hadisəsinin Azərbaycanda izlənilməsinin mümkün olmadığını deyən X.Mikayılov qeyd edib ki, bu təbiət hadisəsi Sakit və Hind okeanı hövzələrini, həmçinin Avstraliyanın cənub hissəsini və Antarktidanı əhatə edib.

Bu dəfəki tutulmanın çox qısa davam edəcəyini deyən X.Mikayılov əlavə edib ki, bu dəfə Günəşin üçdə bir hissəsi tutulacaq, üçdə iki hissəsi isə açıq olacaq: “Avqustun 11-nə təsadüf edəcək növbəti Günəş tutulması bütün Rusiya ərazisini əhatə etsə də, Azərbaycanda yenə də görünməyəcək”.

X.Mikayılov qeyd edib ki, 2020-ci ilin iyun ayında, (həmin ildə Günəşin 45 faizi tutulacaq), 2022-ci ilin oktyabrında (Günəşin 70 faizi tutulacaq) 2027-ci ilin avqustunda (Günəşin 40 faizi tutulacaq), 2030-cu ilin iyununda (Günəşin 76 faizi tutulacaq) gözlənilən Günəş tutulmalarını Azərbaycandan izləmək mümkün olacaq.

Mənbə: Yenicag.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
İspaniyanın Barselona şəhərində keçirilmiş Dünya Alimlər Kuboku olimpiadasında finala vəsiqə qazanan yeganə azərbaycanlı, 11 yaşlı Nərgiz Quliyeva 60-dan çox ölkədən 2100 şagirdin qatıldığı müsabiqədə “Yale” universitetindəki finala vəsiqə qazanıb.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X