28 mart 2020, şənbə
.
.
chevron_left chevron_right
MARAQLI

Hava içmək. Oksigen kokteyli və balonlar niyə lazımdır?

Hava içmək. Oksigen kokteyli və balonlar niyə lazımdır?

125 Baxış
Hava içmək. Oksigen kokteyli və balonlar niyə lazımdır?

Oksigen insan orqanizmi üçün olfuüca vacib funksiya daşıyır. Orqanları qidalandırır, onlara lazımi enerji verir, hətta ən kiçik hüceyrələrin də normal işləməsini təmin edir. Beynin düzgün işləməsi üçün oksigen çox vacibdir. Axı, belə bir maddə olmadan orqan hətta yarım saat da yaşaya bilməz.

Ens.az xəbər verir ki, hazırki dövrdə sənaye şəhərlərində, böyük meqapolislərdə, avtomobillərdən ayrılan tüstü və qazların hədsiz çox olduğu həyat şəraitində yaşayan müasir insanların çoxu üçün əlavə oksigenləşmə məsələsi vacib hala gəlir.

Belədə isə, əczaçılıq şəbəkələrində olduqca geniş yayılmış oksigen kokteyli və balonları yada düşür. Bu təşəbbüs nə qədər zərərsizdir? Həqiqətən, oksigenin bolluğu onun olmamasından daha az zərər verə bilməz. Oksigen əsaslı kokteyllərin nə olduğu, kimlərin bu balonlardan istifadə etməsi və bu məsələdə nəyi nəzərə almaları barədə təcrübəli tibb işçiləri beynəlxalq mətbuata açıqlama veriblər.

Vasitənin mahiyyəti

Oksigen kokteyli, mədə-bağırsaq-həzm yolları xəstəliklərinin qarşısının alınması və profilaktikası üçün istifadə olunan müxtəlif bitki mənşəli qarışıqların, təbii şirələrin, meyvə içkilərinin oksigenlə zənginləşdirilmiş qarışıqlarıdır.

Oksigen kokteylinin faydası nədir?

Bir oksigen kokteylinin tərkibinə oksigen (90-95%), dad verən baza (şirələrdən otların həlimlərinə qədər), həmçinin köpük meydana gətirən komponent (qida köpükləndirici, jelatin, biyan kökü və ya yumurta ağının tozu) daxildir. Müxtəlif ətirli komponentlərə alergiyası olanlar su istifadə edə bilər.

Oksigen həzm yolunun selikli qişasına

müalicəvi təsir göstərir, daha yaxşı bərpasına kömək edir - bu onun müalicəvi və profilaktik təsiri və xroniki qastrit, mədəaltı vəzi və onikibarmaq bağırsağın kəskin olmayan formalarında istifadəsi ilə əlaqədardır. Həzm yollarında oksigen ağciyərlərə nisbətən daha az mənimsənilir, lakin mədənin selikli qişası vasitəsilə keçməsi ümumi əhvalı yaxşılaşdırır, immunitet və iş qabiliyyətini artırır, maddələr mübadiləsinə və yuxuya müsbət təsir göstərir, yorğunluğu aradan qaldırır, tənəffüs və qan dövranını stimullaşdırır.

Qeyd etmək lazımdır ki, oksigen kokteylinin faydalarına dair heç bir elmi dəlil yoxdur, oksigen müalicə məqsədi ilə istifadə edilmir, buna görə istifadədən əvvəl terapevt və ya qastroenteroloqa müraciət etmək lazımdır.

Başqa bir vacib məqamı da nəzərdən keçirməyə dəyər: hazırda oksigen kokteyli hazırlamaq üçün yalnız tibbi oksigen deyil, tərkibində zərərli qatışıqlar olan atmosfer oksigenindən də istifadə olunur. Buna görə satın alınan kokteyllərdən və oksigen mənbələrindən ehtiyatlı olmalısınız.

Çox vaxt mütəxəssislər, hamilə qadınlarda döl hipoksiyasının qarşısını almaq, immuniteti artırmaq, yuxu və həyat tonusunu yaxşılaşdırmaq üçün oksigen kokteyllərindən istifadə etməyi məsləhət görürlər. Lakin bu içkilərə həddindən artıq ehtiyatla yanaşın, istifadə etməzdən əvvəl həkiminizlə məsləhətləşin. Kokteylin müəyyən komponentlərinə allergiyası olanlar, eləcə də astma, öd daşı, sidik kisəsində daş və ya mədə xorası əlamətləri olanlar, həmçinin alkoqollu içki qəbul etmiş şəxslər bundan imtina etməlidirlər. Oksigen kokteyllərindən fərqli olaraq oksigen balonları aerozolda buraxılır, oksigen və azotun konsentratlaşdırılmış tənəffüs qarışığını ehtiva edir. Bu qarışıq bir kokteyl üçün əsas kimi istifadə edilə bilər.

Nəyə diqqət etməli

Həkimlər kokteyllərin faydaları haqqında çox şey söyləyirlər. Ancaq bəzi nüanslar da var. Məsələn, allergiyaya meylli olanlar bu cür içkilərlə diqqətli olmalıdır. Məsələ ondadır ki, məhsulun hazırlanmasında hansı dadverici əsaslardan istifadə olunur. Buraya reaksiya verən komponentlər daxil ola bilər. Buna görə də həkimlər bu cür vəsaitlərdən istifadə etməzdən əvvəl təlimatları və tərkibi oxumaq lazım olduğunu bildirirlər.

Bu cür dərmanlarla bağlı digər məsələ onların kalori miqdarı ilə əlaqələdir. Mütəxəssislərin sözlərinə görə, ümumi kalori tərkibi əlavələrdən asılıdır, çünki oksigen özü kalorili deyil.

Sözsüz ki, təhlükəsiz dozalardan söhbət gedir. Məsələn, uşaqlara 150 ilə 250 ml içməyə icazə verilir (uşaq nə qədər cavandırsa, dozası da o qədər aşağı olur). 14 yaşından etibarən 300 ml kokteyl qəbul edə bilərsiniz. İki yaşa qədər uşaqlara içirtmək tövsiyə edilmir

Tibb işçiləri bildirirlər ki, müəyyən xəstəlikləri olan şəxslərə artıq dozada içmək əlavə risklər yarada bilər. Belə bir vəziyyətdə, sidik sistemindəki daşların hərəkətinin sürətlənməsi və iltihabın sonrakı inkişafı, artan turşuluqla mədə xoralarının yayılması və qastritin ağırlaşan təzahürləri, xroniki iltihabi proseslərin yaxınlıqdakı orqanlara yayılması təhlükəsi ola bilər.

Kurs ümumiyyətlə 10-14 gün davam edir, ardından bir neçə ay ara verilir. Oksigen əsaslı bir kokteyli yeməkdən 1,5-2 saat əvvəl içmək məsləhətdir. Doğru içməyə riayət etmək və mədənin selikli qişasını qıcıqlandırmamaq üçün boru vasitəsilə içməməlisiniz - köpüyü qaşıq ilə çıxarmaq daha yaxşıdır. Səhər və ya axşam kokteyl içmək daha yaxşıdır

Oksigen balonları

Oksigen balonları əsasən xəstəxanalarda və ciddi tibbi səbəblərdən istifadə olunan bir vasitədir. Apteklərdə satılmalarına baxmayaraq, onları nəzarətsiz istifadə etməyə dəyməz. Bu cür seçimlər ümumiyyətlə toxumalarda və tənəffüs çatışmazlığı ilə hipoksiyanı aradan qaldırmaq üçün hazırlanmışdır və yalnız göstərişlərə əsasən, yalnız tibbi şəraitdə təyin olunur, ancaq ev şəraitində də istifadə etmək mümkündür. Ancaq sonuncu halda yaxşı olar ki, yalnız həkim tövsiyəsi ilə edilsin.

Oksigen balaonlarının özbaşına və nəzarətsiz istifadəsi həddindən artıq dozaya səbəb ola biləcəyini başa düşmək lazımdır. Bundan əlavə, həmin prosedura əks göstərişlər varsa (aşağı qan laxtalanması, tromboz, hipokalsemiya, şəkərli diabet, tiroid bezi ilə bağlı problemlər), balonların göstərişsiz istifadəsi ciddi sağlıq problemlərinə səbəb ola bilər.


Müəllif: Fəxri Qocayev


Mənbə: aif.ru




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Verzaska çayı, İsveçrə
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X