Slimfit
  1. AZƏRBAYCAN

“Həkimlərin maaşı hələlik artımla verilməyib” - TƏBİB-dən açıqlama

“Həkimlərin maaşı hələlik artımla verilməyib” - TƏBİB-dən açıqlama
Sakura

“Həkimlərin maaşı hələlik artımla verilməyib” - TƏBİB-dən açıqlama

"Tibbi Əraziləri Bölmələrinin İdarəetmə Birliyi" (TƏBİB) təcili tibbi yardım həkimlərinin əmək haqlarının artımla verilməməsi barədə sosial şəbəkədə yayılan məlumatlara aydınlıq gətirib.

TƏBİB-dən Azvision.az -ın sorğusuna cavab olaraq bildirilib ki, həkimlərin maaşları hələlik artımla verilməyib.

"Nazirlər Kabinetinin qərarına əsasən, yeni növ koronavirus (COVID-19) infeksiyası ilə əlaqəli əmək şəraitinə görə dövlət tibb müəssisələrində çalışan işçilərin əməkhaqlarına müddətli əlavənin məbləği aşağıdakı kimi müəyyən edilir:

- tibbi profilaktik tədbirləri həyata keçirən işçilərə - aylıq vəzifə (tarif) maaşının 3 misli məbləğində;

- təcili tibbi yardım xidməti göstərən tibb işçilərinə, həmçinin bioloji materialın müayinəsi ilə məşğul olan laboratoriya işçilərinə, o cümlədən Məhkəmə Tibbi Ekspertiza və Patoloji Anatomiya Birliyinin və Azərbaycan Qida Təhlükəsizliyi İnstitutunun işçilərinə - aylıq vəzifə (tarif) maaşının 4 misli məbləğində;

- pasiyentlərə stasionar tibbi xidmət göstərən işçilərə - aylıq vəzifə (tarif) maaşının 5 misli məbləğində.

Bu Qərarın 1-ci hissəsində göstərilən müddətli əlavə iş vaxtına mütənasib olaraq 2020-ci il martın 1-dən iyunun 1-dək olan müddət üçün ödənilir.

Qərara əsasən, Səhiyyə Nazirliyinə və İcbari Tibbi Sığorta üzrə Dövlət Agentliyinə tapşırılır ki, yeni növ koronavirus (COVID-19) infeksiyası ilə mübarizə tədbirlərinə cəlb edilən özəl tibb müəssisələri işçilərinin və könüllülərin əməyinin ödənilməsi şərtlərinə, habelə tibbi profilaktik tədbirləri həyata keçirən işçilərin əhatə dairəsinin müəyyən edilməsinə dair təkliflərini 5 (beş) gün müddətində hazırlayıb Nazirlər Kabinetinə təqdim etsin. Bu bənd hələ təqdim edilmədiyi üçün heç kim deyə bilməz ki, kiməsə əmək haqqı verilib və ya nəsə ödənilib", - deyə məlumatda qeyd edilib.
Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Qartallar böyük lələkləri olan nəhəng quşlardır. Bir qanadından lələyi itirəndə quş digərindən simmetrik şəkildə yerləşmiş lələyi itirir - bu ideal aerodinamikanı saxlamaq üçün lazımdır.

Redaktor seçimi

SON XƏBƏRLƏR