Hindistanda dərman fabrikində partlayış: 4 nəfər ölüb

Hindistanda dərman fabrikində partlayış: 4 nəfər ölüb

Hindistanın Telanqana əyalətində əczaçılıq fabrikində baş verən partlayış nəticəsində 4 nəfər ölüb, 10-dan çox adam yaralanıb.

Ens.az 525.az-a istinadən xəbər verir ki, əyalət polis rəsmisi partlayışla bağlı "Press Trust of India" xəbər agentliyinə açıqlama verib.

Rəsmi bildirib ki, Telanqana əyalətinin Sanqareddi rayonundakı əczaçılıq fabrikində elektrik təchizatında partlayış baş verib.

Partlayışdan sonra yanğın olduğunu bildirən polis rəsmisi, hadisədə ilkin məlumata görə, 4 nəfərin öldüyünü, 10-dan çox adamın yaralandığını vurğulayıb.

Qurum rəsmisi qeyd edib ki, yaralılara xəstəxanada tibbi yardım göstərilib.