1. CƏMİYYƏT

I Qarabağ müharibəsi qazisinin əlillik pensiyası kəsilib

I Qarabağ müharibəsi qazisinin əlillik pensiyası kəsilib

I Qarabağ müharibəsi qazisinin əlillik pensiyası kəsilib

Şirvan rayon sakini, I Qarabağ müharibəsi qazisi, II qrup əlil Əhmədov Mirzə Əlirza oğlunun pensiyası kəsilib.

Ens.Az-ın məlumatına əsasən,bu barədə “Qafqazinfo”ya onun oğlu Şükür Əhmədli məlumat verib. O qeyd edib ki, atası 1992-1993 -cü ildə Qarabağ döyüşlərində iştirak edərək Füzuli rayonu Qacar kəndində sol ayaq nahiyəsindən güllə yarası alıb: “Artıq 29 ildir ki, güllə atamın bədənindədir. Güllə daxil olan hissə, yəni sol hissədən sümüyü çürüməyə başlayıb. Bu da bədəndə çox pis ağrılara səbəb olur. Bununla yanaşı, ağır ürək xəstəliyi, şəkərli diabet və yüksək təzyiqdən əziyyət çəkir. Son aylarda ağrıları daha da şiddətlənib. Maddi imkan da müalicə üçün şərait yaratmır. Evi dolandıran təkcə mənəm.

Atam mütəmadi olaraq dərmanlardan istifadə edir. Qardaşım da tələbədir. Tibbi ekspertizanın rəyinə əsasən, atamın qrup əlilliyi ləğv edilib. Heç bir müayinə etmədən, sadəcə şifahi olaraq deyilib ki, heç bir şeyi yoxdur, ona görə də əlillik düşmür. Vətən, qeyrət uğrunda canından keçən insanların halına bu qədər də laqeyd yanaşmaq olmaz”.

“Qafqazinfo” məsələ ilə bağlı Dövlət Tibbi-Sosial Ekspertiza və Reabilitasiya Agentliyinə sorğu göndərib. Qurumun mətbuat xidmətinin rəhbəri Tural Qurbanov cavab olaraq bildirib ki, Şirvan rayon sakini Əhmədov Mirzə Əlirza oğlu ilə bağlı tibb müəssisəsi tərəfindən bu ilin may ayında e-sistemə daxil edilən göndərişdəki (forma 88) diaqnozun əlillik təyinatına əsas vermədiyi müəyyən olunub və bu səbəbdən ona əlillik təyin edilməyib: "Bundan sonra M.Əhmədovun müraciəti nəzərə alınaraq, müxtəlif vaxtlarda 2 dəfə əyani müayinəyə dəvət edilib. Həkim-ekspertlər tərəfindən əyani müayinə olunarkən də M.Əhmədovun sağlamlıq vəziyyətinin əlillik səviyyəsində olmadığı bir daha müəyyən edilib. Ona görə də ona əlillik təyin edilməsindən imtina edilməsi barədə bu ilin may ayında verilmiş qərar qüvvədə saxlanılıb".

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Florida, ABŞ

Redaktor seçimi

SON XƏBƏRLƏR