Slimfit
  1. DİN

İbadətgahlarda monitorinqlər aparılmayacaq

İbadətgahlarda monitorinqlər aparılmayacaq
Sakura

İbadətgahlarda monitorinqlər aparılmayacaq

Bu il Məhərrəm ayında Azərbaycanda birbaşa ibadətgahlarda monitorinqlər aparılmayacaq.

Ens.az xəbər verir ki,Dini Qurumlarla İş üzrə Dövlət Komitəsindən Milli.Az-a verilən məlumata görə, Komitə həmişə Məhərrəm ayında bütün mərasimlərin qanunvericilik çərçivəsində təşkilinə, Azərbaycan xalqının, İslam dininin yüksək mədəni normalarına uyğun keçirilməsinə xüsusi diqqət yetirir.

Vətəndaşların dini etiqad azadlığının tam təmin olunması, mərasimlərin milli adət-ənənələrə uyğun şəkildə yüksək səviyyədə təşkil edilməsi və neqativ halların, xurafat və mövhumat elementlərinin qarşısının alınması istiqamətində profilaktik tədbirlər, xüsusilə maarifləndirmə işi həyata keçirir.

Ötən illərdə Məhərrəm ayı ərzində Dini Qurumlarla İş üzrə Dövlət Komitəsi tərəfindən digər yerli icra strukturları, hüquq-mühafizə orqanları ilə birlikdə bölgələrdə, o cümlədən Bakıda monitorinqlər aparılıb. Monitorinq çərçivəsində qanunvericiliyin tələblərinə, eyni zamanda Qafqaz Müsəlmanları İdarəsinin fətvasına riayət olunmasına nəzarət olunub.

Bu il isə mövcud pandemiya şəraiti ilə əlaqədar Nazirlər Kabineti yanında Operativ Qərargahın təlimatına uyğun olaraq Azərbaycanda dini ibadətgahların fəaliyyətinə müvəqqəti məhdudiyyət tətbiq olunması ilə əlaqədar məscidlərdə hər hansı formada mərasimlərin keçirilməsi nəzərdə tutulmadığından birbaşa ibadətgahlarda monitorinqlər aparılmayacaq. Buna baxmayaraq, Aşura mərasiminin karantin qaydalarına uyğun həyata keçirilməsi ilə bağlı Dövlət Komitəsi tərəfindən geniş maarifləndirmə işləri aparılır.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

"Min bir gecə" baletinin (şəkildə) musiqisi Fikrət Əmirov, librettosu isə "Min bir gecə" nağılları əsasında Maqsud və Rüstəm İbrahimbəyovlar tərəfindən yazılmışdır.

Redaktor seçimi

SON XƏBƏRLƏR