İlber Ortaylı: "Biz bir millət, iki dövlətik, üçüncüsü də gəlir"

"Biz bir millət, iki dövlətik. Üçüncüsü də gəlir - Kipr".

Ens.az Oxu.az-a istinadən xəbər verir ki, bu fikri Türkiyənin tanınmış tarixçisi, professor İlber Ortaylı Ankarada keçirilən "Qərbi Azərbaycana qayıdış insan hüquqlarının aliliyinin mühüm şərti kimi" mövzusunda beynəlxalq konfransda səsləndirib.

"Biz mühüm mədəni və ruhi ittifaqıq. Hərbi ittifaqımız var, indi mədəni ittifaqı da tamamlamaq lazımdır. Bu proses hazırda iki dövlət arasında həyata keçirilir. Üçüncü tərəfin - Kiprdəki soydaşlarımızın hüququnu müdafiə etmək bu iki dövlətin üzərinə düşür", - Ortaylı bildirib.

Onun sözlərinə görə, istənilən fransız kitabına və ya ensiklopediyasına baxıldıqda, İrəvanla bağlı orta əsrlər dövrünə aid məlumatlarda Ermənistan abidələrindən çox məscidlərin təsvir edildiyi görünür:

"Yəni irəvanlı demək azərbaycanlı deməkdir. Əslində o dövrdə ora "Azərbaycan" adlanmırdı. Bu ad Qarabağ xanlığının əhalisi, təbəəsi mənasında işlənirdi", - professor vurğulayıb.