İlon Mask Donald Trampın Kaliforniya qubernatoruna üzr istəməsi çağırışını dəstəkləyib

Amerikalı sahibkar İlon Mask ABŞ Prezidenti Donald Trampla açıq münaqişədən sonra ilk dəfə olaraq dövlət başçısının Kaliforniya qubernatoru Gevin Nyusoma ştatın sakinlərindən üzr istəməsi çağırışını dəstəkləyib.

Ens.az Oxu.az-a istinadən xəbər verir ki, Mask "X" sosial şəbəkəsindəki səhifəsində Trampın yazılarının iki skrinşotunu dərc edib və bunları iki ABŞ bayrağı ilə dəstəkləyib.

Yazılardan birində ABŞ prezidenti Kaliforniya qubernatoru Gevin Nyusomu uğursuzluqlarına görə Los-Anceles sakinləri qarşısında üzr istəməyə çağırıb, digərində güc orqanlarına şəhərdə asayişi bərpa etmək tapşırığı barəsində məlumat verib.

Xatırladaq ki, Kaliforniyada kütləvi etirazlar polisin qeyri-leqal miqrantları üzə çıxarmaq məqsədi ilə keçirdiyi reyddən sonra başlayıb. Tramp iğtişaşların qarşısını almaq üçün iyunun 7-də ştata milli qvardiya yeritmək əmrini verib. 22 ştatın qubernatoru bu qərarı "hakimiyyətdən sui-istifadə" aktı kimi dəyərləndirib.