21 fevral 2020, cümə
.
.
chevron_left chevron_right
TEXNOLOGİYA

Artıq iPhone-lar izlənə bilməyəcək

“iOS” sistemində geolokasiya funksiyasını tam söndürmək mümkün olub

103 Baxış
Artıq iPhone-lar izlənə bilməyəcək

"Apple" şirkəti mobil əməliyyat sistemində geolokasiya funksiyasını tam söndürməyə imkan yaradıb. Müvafiq imkan "iOS 13.3.1" əməliyyat sisteminin beta versiyasında istifadəyə verilib.

 

"ICTnews" Elektron Xəbər Xidməti "DailyComm" resursuna istinadən yazır ki, "2019"-cu ildə buraxılan "iPhone" smartfonları genişzolaqlı bağlantının dəstəklənməsi üçün "Ultra Wideband" (UWB) texnologiyalı yeni "U1" çipi ilə təchiz edilib. Bu yenilik səbəbindən qurğunun olduğu yer geolokasiya xidmətləri söndürülmüş vəziyyətdə olanda da izlənilir.

 

2019-cu ilin sonunda kibertəhlükəsizlik üzrə mütəxəssis Brayan Krebs öz müşahidələri barədə fikrini bölüşüb. O, eksperiment zamanı smartfonda peyk məlumatları üçün sorğu göndərmək imkanını söndürərək təyyarə rejimini işə salıb. Bu halda ekranın sağ küncündə "GPS" sisteminin işləməsini sübut edən kompas işarəsi görünüb. Mütəxəssisin fikrincə, "Apple" istifadəçi tərəfindən "GPS" sistemindən istifadəyə qoyulan qadağadan yayınmaqla onun məxfilik hüququnu pozub.

 

"Apple" son nəticədə bu çatışmazlığı aradan qaldırmaq qərarına gəlib. Belə ki, "Mashable" resursunun jurnalistləri tərəfindən "iOS 13.3.1" əməliyyat sistemində "U1" çipini söndürməyə imkan verən funksiya aşkarlanıb. O, "Sistem xidmətləri" (System Services) quraşdırma menyusunda yerləşir.

 

Şirkətin məxfilik siyasətində "iPhone" geolokasiya servislərinə həsr edilən və smartfonun "Apple" şirkətinə mütəmadi olaraq yaxınlıqdakı "Wi-Fi" çıxış nöqtələri və mobil rabitə qüllələri barədə anonim və şifrlənmiş məlumatların göndərilməsini nəzərdə tutan bənd yer alıb.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Xınalıq
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X