İran Səhiyyə Nazirliyi: "İsrailin hücumları nəticəsində azı 2800 iranlı yaralanıb"

İran Səhiyyə Nazirliyi: "İsrailin hücumları nəticəsində azı 2800 iranlı yaralanıb"

İyunun 13-dən bəri İsrailin endirdiyi zərbələr nəticəsində azı 2800 iranlı yaralanıb, 2000 nəfər artıq xəstəxanalardan buraxılıb.

Oxu.Az "Fars" agentliyinə istinadən xəbər verir ki, bu barədə İran Səhiyyə Nazirliyinin bəyanatında bildirilir.

"Ölkəmizdə səhiyyə sektorunda heç bir problemimiz yoxdur. Bu günə kimi 2800 yaralı xəstəxanaya yerləşdirilib, onlardan 2000 nəfəri müalicə olunaraq evə buraxılıb", - məlumatda qeyd olunub.

Nazirlikdən bildirilib ki, İsrailin iyunun 20-də İrana endirdiyi zərbələr nəticəsində 14 tibb işçisi yaralanıb, iki nəfər həlak olub.

İsrail 13 iyun gecəsi İrana qarşı hərbi əməliyyata başlayıb. Qısa müddət sonra İran cavab zərbələri endirib. Növbəti günlərdə tərəflər qarşılıqlı hücumları davam etdiriblər və həm hərbi, həm də mülki obyektlərə zərbələr endirildiyini etiraf ediblər. Qarşıdurma hələ də davam edir.