İranda terror aktı törətməkdə şübhəli bilinənlər saxlanıldı

İranda terror aktı törətməkdə şübhəli bilinənlər saxlanıldı

İranın hüquq-mühafizə orqanları İslam İnqilabı Keşikçiləri Korpusuna aid (İran Silahlı Qüvvələrinin elit bölmələri) “Əl-Qüds” qüvvələrinin xüsusi təyinatlı komandiri, general Qasım Süleymaninin dəfn olunduğu Kirman şəhərində qəbiristanlığın yaxınlığında terror aktı törətməkdə şübhəli bilinən bir neçə nəfəri saxlayıb.

Ens.az Yeniavaz.com-a istinadən xəbər verir ki,bu barədə “Fars” agentliyi ölkənin Daxili İşlər Nazirliyinə istinadla məlumat yayıb.

“Cinayətlə bağlı mühüm sübutlar aşkar edilib və bir neçə nəfər saxlanılıb. Şübhəlilər haqqında daha sonra tam məlumat veriləcək”, - nazirliyin məlumatında bildirilib.

Daxili İşlər Nazirliyi həmçinin bildirib ki, terror aktı nəticəsində 89 nəfər ölüb, 284 nəfər yaralanıb.