![İranın HHM sistemləri İsfahan səmasında üç PUA-nı vurub](https://www.ens.az/images/news/iranin-hhm-sistemleri-isfahan-semasinda-uc-pua-ni-vurub.jpg)
İranın HHM sistemləri İsfahan səmasında üç PUA-nı vurub
İranın hava hücumundan müdafiə qüvvələri İsfahan səmasında olan üç pilotsuz uçuş aparatını vurub.
Ens.az Trend -ə istinadən xəbər verir ki,bu barədə İran televiziyası xəbər verib.
Bildirilib ki, pilotsuz uçuş aparatları cümə günü yerli vaxtla təxminən 03:00-da İsfahan üzərində müşahidə edilib. Bundan sonra hava hücumundan müdafiə sistemi işə başladı və "onları göydə məhv etdi".
Xatırladaq ki, aprelin 13-də İran İslam İnqilabı Keşikçiləri Korpusu (SEPAH) qanadlı və ballistik raketləri ilə "Doğru vəd əməliyyatı" kod adı altında İsrailə hücum edib. Hücumların aprelin 1-də İsrailin İranın Dəməşqdəki səfirliyini bombalamasına cavab olaraq həyata keçirildiyi bildirilir. Bu, iki ölkə arasında ilk birbaşa hərbi qarşıdurmadır.
Aprelin 14-də səhər saatlarında İran İsrailə qarşı əməliyyatın başa çatdığını elan edib.
Şərhlər
Şərhləri göstər Şərhləri gizlət