29 mart 2020, bazar
.
.
chevron_left chevron_right
AZƏRBAYCAN

İş yerini itirən neçə ay sığorta alacaq?

İşsizlikdən Sığorta Fondundan yalnız əmək müqaviləsi olan şəxslər yararlana bilər.

1774 Baxış
İş yerini itirən neçə ay sığorta alacaq?

Bu sözləri Axar.az-a iqtisadçı ekspert Vüqar Bayramov “İşsizlik müavinətinin hesablanması və ödənilməsi Qaydalarının təsdiq edilməsi haqqında” qərarın ləğv edilməsinə münasibət bildirərkən deyib. O bildirib ki, bu ildən İşsizlikdən Sığorta Fondu fəaliyyətə başladığı üçün vətəndaşların işsizliyə görə müavinət alması ləğv edilir:

“İşsizlikdən Sığorta Fondu vətəndaşların iş yerini itirdikdən sonra sığorta ilə təmin edilməsi məqsədilə yaradılır. İşsizlikdən Sığorta Fondunun funksiyası imkan verəcək ki, əmək müqaviləsi ilə işləmiş vətəndaşlar iş yerini itirdikdən sonra sığortadan istifadə etsin. Bu sığorta üçün ödəniş ümumilikdə 1%-dir. Yanvarın 1-dən etibarən “İşsizlikdən sığorta haqqında” qanunda işsizlikdən sığorta üzrə işçinin əməkhaqqının 0,5, sığortaedən tərəfindən də bir o qədər sığorta haqqının ödənilməsi nəzərdə tutulur”.

İqtisadçı qeyd edib ki, iş yerini itirmiş şəxs bu fonda müraciət edərək, 6 ay müddətində, müəyyən hallarda isə 9 ay müddətində sığortadan istifadə edə biləcək:

“Burada əsas məqsəd iş yerini itirən şəxsin yeni işlə təmin olunana qədər sosial problemlərinin yaranmamasıdır. Belə şəxslər üçün bu fond çox faydalı olacaq. Sığortanın məbləği işçinin iş stajına uyğun olaraq müəyyən edilir. Əgər işçi 3-5 il iş stajına malikdirsə, o zaman aylıq olaraq, əməkhaqqının 50%-ini, 5-10 il stajı varsa, əməkhaqqının 55%-ini, 10 ildən çox iş stajına malikdirsə, o zaman əməkhaqqının 60%-ini alacaq”.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
İnsan hər dəfə nəfəs aldıqda ağciyərlərdəki havanın 17%-i yenilənir.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X