İsmayıl bəy Nakam - Keçindin aləmi-heyrətdə, ey dil
Keçindin aləmi-heyrətdə, ey dil,
Keçirdin ömrünü qəflətdə, ey dil!
Görüb bu aləmi-adəmfəribi
Unutdun əhdi bir röyətdə, ey dil!
Fəraqət hasil et, tərki-səva qıl,
Yetər ah etdiyin möhnətdə, ey dil!
İrişdi aşiqan yeksər vüsalə
Həmin sənsən qalan firqətdə, ey dil!
Mücərrəd ol, mücərrəd ol da, gör də,
Nələr var guşeyi-vəhdətdə, ey dil!
Həzəran dərdi-rühazar çəkdin
Yenə töhmətdəsən, töhmətdə, ey dil!
Olub Nakamə dil nakam oldun,
Yaxıldın atəşi-həsrətdə, ey dil!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət