İsoy Qurbanov - Oldumu
O qara gözlərin mənə baxdımı,
Görən mənə canı yanan oldumu.
Viran qoyub, gəldim gözəl taxtımı,
Görən mənə canı yanan oldumu.
Doğmadı könlümə o daş, o qaya,
Gəldim yaman düşdüm indi ax-vaya.
Yansa mənə yanar yazıq Urquya,
Görən mənə canı yanan oldumu.
Yalvardım Allaha kənara atma,
Məni əsir edib, qolumu çatma.
Hamıdan çox yanır o yetim Fatma,
Görən mənə canı yanan oldumu.
Tapşırram, ay Qasım uşağı yoxla,
İnəkdən, qoyundan sat ver taxıla.
Yalvarıram Haqqa Lətifi saxla,
Görən mənə canı yanan oldumu.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət