Ens.az
9 dekabr 2019, bazar ertəsi
.
.
chevron_left chevron_right
İDMAN

İspaniyada iki karateçimizə 1000 avro pul verildi

İspaniyada iki karateçimizə 1000 avro pul verildi

25 Baxış
İspaniyada iki karateçimizə 1000 avro pul verildi

 

Azərbaycan karateçiləri İspaniyanın paytaxtı Madriddə keçirilmiş Premyer Liqa turnirində mövsümün son mərhələsini iki medalla başa vurub.

Oxu.Az xəbər verir ki, Dünya Karate Federasiyasının (WKF) ən mötəbər liqasında İrina Zaretskaya (-68 kq) qızıl, Pənah Abdullayev (-84 kq) isə bürünc medal qazanıb. 

Nuranə Əliyevanın (-50 kq) üçüncü yer uğrunda həlledici görüşü uğursuz alınıb.

Azərbaycan Milli Karate Federasiyasının prezidenti Yaşar Bəşirov idmançıların mükafatlandırma mərasimində iştirak edib. İspaniyada yarışda 89 ölkədən 737 karateçi mübarizə aparıb. İdmançılar hər qələbəyə və medalların əyarına əsasən, dünya reytinqi ilə yanaşı, olimpiya reytinq xalları qazanıb.

Karate1 Premyer Liqasının Madrid mərhələsində həmçinin ilin yekununa əsasən fərqlənən idmançılar “Grand Winners” mükafatlarına layiq görülüb. 2019-cu il mövsümünün nəticələrinə əsasən “Grand Winners” mükafatını qazananlar arasında məşhur Azərbaycan karateçiləri Rafael Ağayev (-75 kq) və İrina Zaretskaya (-68 kq) da var.

Rafael Ağayev bu yarışda ilk görüşdə uduzub, medalsız qalsa da, ilboyu keçirilən yeddi Premyer Liqa yarışlarında bütün rəqiblərindən çox mükafat qazanıb. Belə ki, o, Moskvadan qızıl, Paris və Tokiodan gümüş, Dubay və Rabatdan bürünc medalla dönüb. O, yalnız iyunda Şanxaydakı turnirdə iştirak etməyib.

İrina Zaretskaya isə ardıcıl üçüncü Premyer Liqada da qızıl medal qazanmaqla İsveçrədən olan əsas rəqibi Elena Kuiritsini qabaqlayıb. Ukraynalı legionerimiz bu ilin fevralında Dubayda da gümüş medal qazanıb.

Hər iki idmançımız ikinci dəfə “Yaxşıların Ən Yaxşısı” adını qazanır. Rafael Ağayev ardıcıl ikinci dəfə bu ada layiq görülür. İrina Zaretskaya isə 2017-ci ildə bu mükafatı qazanıb. Mükafatın təqdimatı 26 yanvarda Fransanın paytaxtı Parisdə olacaq.

Səbuhi Musayev





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Qaçaq Nəbinin çəkilmiş yeganə şəkli, 1895-ci il.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X