Ens.az
22 avqust 2019, cümə axşamı
.
chevron_left chevron_right
DÜNYA

İspaniyalı mühəndislər vakuumlu qatarlar üçün tunel yaradırlar

İspaniyalı mühəndislər vakuumlu qatarlar üçün tunel yaradırlar

İspaniyalı mühəndislər vakuumlu qatarlar üçün tunel yaradırlar

Əsası 2016-cı ilin noyabrında qoyulan “Zeleros” şirkəti 2024-cü ildən fəaliyyətə başlaya biləcək gələcəyin qatarları üçün dünyada ən uzun eksperimental tunel yaratmağı planlaşdırırlar.

AZƏRTAC ispan KİV-lərinə istinadla xəbər verir ki, tanınmış sahibkar İlon Maskın təşkil etdiyi beynəlxalq müsabiqədə Valensiya Politexnik Universitetinin mühəndislik fakültəsi tələbələrinin qələbəsi üç dost üçün start nöqtəsi olub. Nəticədə vakuumlu tuneldə maqnit levitasiya sistemi vasitəsilə hərəkət edən “Hyperloop” vakuumlu qatarının layihəsini hazırlayan rəqabətədavamlı şirkət yaranıb.

Beynəlxalq müsabiqədə qələbə onları öz layihələrini İspaniya və digər ölkələrdə həyata keçirməyin mümkünlüyünə inandırıb. Beləliklə, Valensiyada gələcəyin vakuumlu qatarlarının hazırlanması ilə məşğul olan dünyanın altı şirkətindən biri - “Zeleros” yaradıldı. “Zeleros” elektromaqnitin təsirinin gücü ilə idarə olunan Çin və Yaponiya qatarlarının alternativinin yaradılması üzərində çalışır. Valensiyadan olan gənc mühəndislər bütün maqnit sistemini qatarın daxilinə birləşdirərək, onun sadələşdirilməsi üsulunu tapıblar.

Tələbələrin sözlərinə görə, bu, hər kilometr üçün xərcləri minimuma endirməyə şərait yaradacaq və nəqliyyat xidmətini iqtisadi cəhətdən hamı üçün əlçatan edəcək. Valensiya şirkətinin işləyib hazırladığı texnologiyaların tətbiqi vasitəsilə vakuumlu qatarların sürəti təyyarələrdə olduğu kimi, yalnız atmosferə karbon qazı atılmadan saatda təxminən 1000 kilometrə çata bilər.

İlk qatarların xəttə buraxılması 2023-2024-cü illərdə gözlənilir. Qatarlar əvvəlcə fəaliyyətə yüklərin daşınması ilə başlayacaq, daha sonra sərnişinlərə xidmət edəcək.


adscode
VİDEO QALEREYA
Çivita-di-Banorecr (Civita di Bagnoregio) - İtaliyada "ölü şəhər". Şəhərə ancaq bu yaxınlarda inşa olunmuş uzun piyada körpüsü ilə getmək mümkündür. 17-ci əsrdə burada güclü zəlzələ olub və ondan sonra şəhər getdikcə adaya çevrilməyə başlayıb, yerli
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X