5 iyun 2020, cümə
.
.
chevron_left chevron_right
TÜRKİYƏ

İstanbulda Novruz bayramı qeyd olunub

İstanbulda Novruz bayramı qeyd olunub

328 Baxış
İstanbulda Novruz bayramı qeyd olunub

İstanbulda Novruz bayramı qeyd olunub. Bayram şənliyi Türkiyə Azərbaycan Dərnəyinin (İSTAD) təşkilatçılığı ilə reallaşıb.

AZƏRTAC xəbər verir ki, tədbirdə dərnəyin sədri Səfər Qaraqoyunlu, İSTAD-ın baş katibi Mətin Yıldırım, Avropa Azərbaycanlılar Konqresinin (AAK) prezidenti Sahil Qasımov çıxışlarında Novruz bayramının tarixindən, ənənələrindən danışıblar. Bildirilib ki, günümüzə qədər gəlib çıxan Novruz ənənələri dünya mədəni irsinin ən parlaq hissəsidir.

İSTAD-ın sədri Səfər Qaraqoyunlu əminliklə bildirib ki, ən qısa zamanda Azərbaycanın işğal altında olan torpaqları azad ediləcək və xalqımız Novruz tonqallarını Dağlıq Qarabağın ən uca zirvələrində alovlandıracaq.

İstanbulda yaşayan və çalışan Azərbaycan vətəndaşları, o cümlədən Türkiyə vətəndaşı olan soydaşlarımızın iştirakı ilə keçirilən mərasim geniş konsert proqramı ilə davam etdirilib.

Tədbirdə Azərbaycanı Türkiyədə təmsil edən media nümayəndələrinə ölkəmizlə bağlı həqiqətlərin işıqlandırılmasında xidmətlərinə görə təşəkkürnamələr təqdim olunub.

Mükafatlandırılanlar arasında AZƏRTAC-ın Türkiyə bürosunun rəhbəri Sabir Şahtaxtı da var.

Günel Məlikova

AZƏRTAC-ın xüsusi müxbiri

İstanbul





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Qaçaq Nəbinin çəkilmiş yeganə şəkli, 1895-ci il.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X