Kadırov evlənmək istəyən gənclərin başlıq pulunu öz üzərinə götürdü
Çeçenistanın rəhbəri Ramzan Kadırov koronavirus pandemiyası səbəbindən maliyyə çətinliyi ilə üzləşən 207 gəncə yardım üçün vəsait ayırıb. Belə ki, böhran səbəbindən nişanlısına başlıq pulu (evlilik zamanı gəlinin ailəsinə təqdim olunan hədiyyə) verməyə imkanı olmayanlara yardım ediləcək.
Bu barədə “RİA Novosti” RF Müsəlmanlarının Ruhani İdarəsinə istinadla xəbər yayıb.
Məlumata görə, müsəlman ənənəsi ilə evlilik mərasimi üçün bəyin ailəsinə 50 min rubl (təxminən 1 200 manat) veriləcək (qızın ailəsinə hədiyyə edilmək üçün).
Müftilik pandemiya ilə əlaqədar nikah mərasimi üçün yeni qaydaları da açıqlayıb.
Belə ki, gəlinin arxasınca ancaq iki maşın gedə, mərasimdə isə yalnız ən yaxın qohumlar iştirak edə bilər.
Mənbə: Oxu.az
Şərhlər
Şərhləri göstər Şərhləri gizlət