1. MƏDƏNİYYƏT

Karantin dövründə gənc musiqiçilər üçün onlayn müsabiqə keçirilir.

Karantin dövründə gənc musiqiçilər üçün onlayn müsabiqə keçirilir.

Karantin dövründə yeniyetmə və gənclərin asudə vaxtlarının səmərəli təşkili məqsədilə “Notların Möcüzəsi” adlı onlayn musiqi müsabiqəsinə start verilir!

    Karantin dövründə yeniyetmə və gənclərin asudə vaxtlarının səmərəli təşkili məqsədilə “Notların Möcüzəsi”  adlı onlayn musiqi müsabiqəsinə start verilir!

  Müsabiqənin məqsədi Azərbaycan bəstəkarlarının retro musiqilərinin müasir zövqü oxşayacaq yeni ifa tərzlərini ərsəyə gətirmək və gənc virtuoz musiqiçiləri üzə çıxarmaqdır.

       İstedadına güvənən gənclər- tələbələr, küçə musiqiçiləri, musiqi təhsili olmayan istedadlı ifaçılar  həmçinin musiqi kollektivləri ölkənin istənilən yerindən onlayn şəkildə müsabiqəyə qatıla, musiqi alətlərində instrumental ifalarını nümayiş etdirə bilər. Müsabiqədə iştirak etmək istəyən gənclər öz ifalarını 24.01.2021-ci il saat 18:00-a qədər videogörüntü şəklində musabiqe@uyd.az elektron poçt ünvanına təqdim etməlidirlər.

     Müsabiqə şərtləri və qaydaları haqqında daha ətraflı məlumatı müsabiqənin sosial şəbəkədəki feysbuk hesabından (altından xətt çəkilmiş yazı üzərindən birbaşa keçid alaraq) əldə edə bilərsiniz.

 Uşaq və  Yeniyetmələrə Dəstək İctimai Birliyi tərəfindən elan olunan müsabiqə Azərbaycan Respublikasının Gənclər Fondunun maliyyə dəstəyi ilə icra olunan “Notların Möcüzəsi” gənc virtuozlar layihəsi çərçivəsində həyata keçirilir. Layihə çərçivəsində, həmçinin Azərbaycan bəstəkar musiqilərinin sosial şəbəkə istifadəçiləri arasında təbliğ edilməsi məqsədilə musiqi animasiyalarının hazırlanması da nəzərdə tutulur. Gənc musiqiçilərin, eləcə də gənc musiqiçilərdən ibarət kollektivlərin yaradıcılığının geniş auditoriyaya tanıdılmasını, Azərbaycan musiqi mədəniyyətinin gənclər arasında təbliğini, həmçinin gənclərin musiqi və estetik zövqünün formalaşmasına dəstək olmağı hədəfləyən layihə Azərbaycan Gənclər Fondunun 14-cü qrant müsabiqəsinin qalib layihələri arasında yer alır.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Maraqlıdır

Redaktor seçimi

SON XƏBƏRLƏR