Ens.az
15 dekabr 2019, bazar
.
.
chevron_left chevron_right
TİBB VƏ SAĞLAMLIQ

Kardioloqlar ürək xəstəlikləri zamanı ərik yeməyi məsləhət görürlər

Kardioloqlar ürək xəstəlikləri zamanı ərik yeməyi məsləhət görürlər

199 Baxış
Kardioloqlar ürək xəstəlikləri zamanı ərik yeməyi məsləhət görürlər

Əriyin əsas faydası meyvənin tərkibində xeyli miqdarda kalium olmasıdır ki, bu da damarların fəaliyyətinin yaxşılaşmasında və qan təzyiqinin normallaşdırılmasında əhəmiyyətli rol oynayır.

AZƏRTAC “MedikForum”a istinadla xəbər verir ki, kardioloqlar ürək xəstəliklərindən əziyyət çəkən hər kəsə ərik yeməyi məsləhət görürlər. Ərik ürək-damar sistemini tonusda saxlayan və orqanizmi çoxsaylı xəstəliklərdən qoruyan kaliumla zənginliyinə görə meyvələr arasında “çempion”dur.

Həkimlər bildirirlər ki, əriyin tərkibində böyük miqdarda kalium duzları olduğu üçün, o, aritmiya zamanı müalicəvi effekt göstərir, həmçinin sidikqovucu xassəyə malikdir. Bu, hipertoniya və şişkinlik, o cümlədən böyrəklərlə bağlı xəstəliklər zamanı çox faydalıdır.

Ekspertlərin sözlərinə görə, kalium damarların vəziyyətini yaxşılaşdırır, orqanizmdən toksinlərin, o cümlədən zərərli xolesterinin çıxarılması prosesini fəallaşdırır. Bununla belə, ərik qurusunun (kuraqa) tərkibində kalium təzə meyvəyə nisbətən 5-6 dəfə çoxdur. Ərik qurusu pis qan dövranı, miasteniya, ürək ritminin pozulması zamanı əhval-ruhiyyənin yaxşılaşmasına kömək edir.

Əriyin daha bir dəyərli xassəsi onun lətində betakarotinin yüksək miqdarda olmasıdır. Tədqiqatlar göstərir ki, betakarotin təkcə ürək xəstəliklərinin deyil, həm də xərçəngin inkişafına effektli şəkildə maneə yaradır. Bundan başqa, əriyin tərkibində yüksək qatılıqlı flavonoidlər və C vitamini olduğuna görə o, distoniyadan əziyyət çəkən və bədənində qançırlar əmələ gəlməsinə meyilli olan xəstələr üçün də faydalıdır.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Yuriy Nikulin "Brilliant əllər" çəklişi zamanı fasilədə nərd oynayır. Bakı. 1968-ci il
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X