Kazım ağa Salik - Görmənəm

Ey ağalar, məni neyçün qınarsız,
Nə müddətdir mən o yarı gormənəm.
Mən ha qınayardım eşqə düşəni,
Daxi eşq əhlini karı görmənəm.

Mən gəzdiyim o bir şirin candadır,
O da mənim kimi natəvandadır,
İtirmişəm heç bilmənəm handadır.
Şirin dilli xoşgöftarı görmənəm.

Binəva Salikəm bağrımda zədə,
Həq bilir ki, gözüm yoxdur kimsədə,
Sözü bizimlədir, qəlbi özgədə
Ol səbəbdən büqran görmənəm.