“Keşlə”nin futbolçusu Rumıniya klubu ilə üç illik müqavilə imzalayıb
“Keşlə” futbol klubunun paraqvaylı yarımmüdafiəçisi Sezar Meza Kolli karyerasını Rumıniyanın “Universitatea Krayova” klubunda davam etdirəcək.
AZƏRTAC xəbər verir ki, avqustun 6-da 27 yaşlı legioner Rumıniyanın yüksək dəstəsində çıxış edən komanda ilə üç illik müqavilə imzalayıb. Bununla bağlı “Universitatea Krayova” klubunun yaydığı açıqlamada qeyd olunub: “Elm ailəsinə xoş gəlmisən, Sesar”. Sənə “ağ-göy”lərin formasında uğurlar arzulayırıq”.
Qeyd edək ki, Sezar Meza Kolli yeni komandasına UEFA Avropa Liqasının üçüncü təsnifat mərhələsində kömək edə bilər. Paraqvaylı yarımmüdafiəçi avqustun 9-da səfərdə “ag-göy”lərin heyətində Almaniyanın “Leipzig” komandasına qarşı mübarizədə meydana çıxmağa hazırdır.
İqbal Hacıyev
AZƏRTAC-ın xüsusi müxbiri
Buxarest
Şərhlər
Şərhləri göstər Şərhləri gizlət