Kirayə pulu ödəməkdən bezən qadın özünə yeriyən ev inşa etdi

Kirayə pulu ödəməkdən bezən qadın özünə yeriyən ev inşa etdi

Həyatı boyunca az maaşla yaşayan Mişel adlı qadın uşaqları iş sahibi olduqdan sonra öz həyatı ilə bağlı maraqlı qərar qəbul edib.

Metbuat.az xarici mediaya istinadla bildirir ki, kirayə pulu ödəməkdən bezən və öz evi olmasını istəyən Mişel topladığı az məbləğlə xəyallarını gerçəkləşdirə bilib. 3 uşaq anası olan Mişel bir müddət əvvələ qədər kafedə çalışırdı. Uşaqları evdən ayrıldıqdan sonra tək yaşamağa başlayan Mişel "Tinhy House" adlı bir qrupa daxil olub. Bu qrupun üzvləri öz evlərini inşa edir və aralarına qatılan yeni üzvlərə də bu iş də kömək edirlər.

Əvvəl 1500 dollar kirayə pulu ödəyən Mişel daha sonra 75 dollara aldığı tranzit avtomobildən özünə ev düzəldib. Mətbəxi, hamam otağı, yataq otağı və qonaq otağı olan evin üst mərtəbəsində hobbi otağı da yerləşir. Evin üst hissəsinə çıxan pilləkənləri həm də kitab rəfi kimi istifadə etmək mümkündür. Bu evin ən gözəl xüsusiyyəti isə səyahətə çıxan zaman evi də yanında apara bilməsidir.

Öz evini inşa etmənin sevincini yaşayan Mişel "Öz əllərinlə bir şey inşa etmək möhtəşəm bir hissdir. Evin dizaynı da mənə məxsusdur" deyə bildirib.