25 may 2020, bazar ertəsi
.
.
chevron_left chevron_right
ELM

Kişilər ağıllıdır, yoxsa qadınlar? - Elm cavab verir

Kim daha ağıllıdır - kişilər yoxsa qadınlar: elm cavab verir

909 Baxış
Kişilər ağıllıdır, yoxsa qadınlar? - Elm cavab verir

Ens.az bildirir ki, biologiya və anatomiya nöqteyi-nəzərindən daha ağıllı və ya daha axmaq anlayışları yoxdur. Beynin quruluşuna görə müəyyən inkişaf xüsusiyyətləri və fərqləri olan fərd var. Müasir elmi ictimaiyyət ümumiyyətlə sosial stereotiplərə, seksizmə və gender ayrıseçkiliyinə yaddır. Buna baxmayaraq, cəmiyyət hələ də müəyyən ştamplar yetişdirməyə can atır. "Populyar mexanika", kişilərin və qadınların əqli qabiliyyətlərindəki fərq mövzusundakı bütün məlumat zibillərini kənara ataraq yalnız elmi cəhətdən sübut edilmiş faktları saxladı

İki cins arasındakı intellekt məsələsi, az qala dinidir və min illərdir ki, bunun ətrafında mübahisələr səngimir, hələ Aristotel də bu mövzuda filosofluq etməyə çalışırdı. Elm şüurlu şəkildə, az-çox 19-cu əsrin ortalarından bəri insanların intellektual və əqli qabiliyyətlərindəki cinsi fərqlərini öyrənməyə başladı. Ancaq bu çox şübhəli bir araşdırma idi. Çarlz Darvin "İnsanın Mənşəyi" əsərində yazırdı: “Kişi qadından daha cəsarətli, daha aqressiv, daha enerjili və daha ixtiraçıdır. Mütləq ölçülərinə görə kişinin beyni daha böyükdür, baxmayaraq ki, beyin ölçüsü və bədən çəkisinin nisbəti tam aydın deyil. "

Elmi cəhətdən sübut olunmuş fakt - bir neçə elmi araşdırmalarda təsdiqləndiyi kimi, yetkin kişinin beyni orta hesabla 11-12% ağır və həcmcə 10% daha böyükdür. Bununla belə, 1887-ci ildə, doktor Cozef Simms geniş bir araşdırma nəşr etdi, burada onun gəldiyi qənaət beləydi ki, boyun hündürlüyü böyük çəkinin və beyin ölçüsünün də böyük olmasının əlaməti ola bilər, lakin bu, yüksək intellektual güc göstəricisi hesab edilə bilməz. Böyük olmaq isə daha çox ağıllı olmaq demək deyil. Üstəlik, daha az çəki ilə, yetkin bir qadının beynində kişilərə nisbətən daha sürətli siqnal ötürülməsini təmin edən sinir lifləri daha yüksək bir sıxlığa malikdir.

Kişi və qadının ümumi beyin həcmindəki fərq yeganə anatomik fərq deyil, beynin müxtəlif hissələri də fərqlənir. Ancaq bu, beynin müəyyən bir bölgəsinin daha yaxşı inkişaf etməsi, məsuliyyət daşıdığı funksiyanın daha yaxşı yerinə yetirilməsinə kömək etməsi demək deyil.

2014-cü ildə Prinston Universitetinin bir qrup alimi tərəfindən qadın və kişilərin beynindəki neyron əlaqələrində fərqləri müəyyənləşdirən bir araşdırma yayımlandı. Minə yaxın gənc üzərində (8-22 yaş, 428 kişi və 521 qadın) araşdırma aparan elm adamları kişi beyninin qavrayış və əlaqələndirilmiş hərəkətlər arasındakı əlaqəni asanlaşdırmaq üçün qurulduğunu, qadın beyininin isə analitik və intuitiv emal rejimləri arasındakı əlaqəni asanlaşdırmaq üçün qurulduğu qənaətinə gəlmişdilər.

Ancaq bu, müəyyən bir beyin fəallığına insanın cinsi xarakterinə görə meyilli olması demək deyil. Sadəcə, eyni vəzifələri kişi və qadın beyni müxtəlif yollarla həll edir. Məsələn, kişilərin riyaziyyatdan daha yaxşı olduğu, qadınların isə əsasən humanitar olduğu qəbul edilir. Lakin Harvarddan olan doktor Elizabet Spelkanın "Cins və Elm" adlı geniş elmi işi bu stereotipi təkzib edir. "Kişilərin və qadınların doğumdan yetkinliyə qədər qavrayış qabiliyyətlərinin öyrənilməsi, kişilərin riyaziyyat və elm sahələrində daha çox daxili qabiliyyətə sahib olmaları iddiasını dəstəkləmir" Dr. Spelki belə nəticəyə gəlib. Elmi cəmiyyətdə kişilərin daha çox olması anatomik xüsusiyyətlərin işi deyil, sosial stereotiplərdir.

Bütün bunlar elmi baxımdan populyar bir dilə tərcümə olunursa, onda yalnız bir nəticə var. Kütləsində, quruluşunda, iş prinsiplərində, kişi və qadının beynində məlumatların emalına olan yanaşmalardakı fərqə baxmayaraq, elm adamları cins və intellektual qabiliyyət arasında heç bir əlaqə olduğunu hələ sübut etməmişlər. Üstəlik, bir çox araşdırma, "kişi" və "qadın" beyinlərində sərt bir bölgü olmasını tamamilə inkar edir və cinslərin intellektual qabiliyyətlərindəki fərq növbəti bir sosial möhürdür.


Tərcüməçi: Fəxri Qocayev


Mənbə: www.popmech.ru




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Borneo adasında bam-balan adlı qeyri-adi meyvə var. Xarici görünüşünə görə tünd rəngli malayziya manqosuna, dadı isə smetanla olan borşa oxşayır.
Emosiya ilə reaksiya ver!
  • 1
  • 0
  • 0
  • 0
  • 1
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X