KİV: "ABŞ rəsmiləri Zəngəzur dəhlizinin detallarını müzakirə etmək üçün Ermənistana gedəcəklər"

KİV: "ABŞ rəsmiləri Zəngəzur dəhlizinin detallarını müzakirə etmək üçün Ermənistana gedəcəklər"

Növbəti həftə ABŞ-dən olan nümayəndələr Zəngəzur dəhlizi ("Tramp marşrutu" - TRIPP) layihəsini müzakirə etmək üçün Ermənistana səfər edəcəklər.

Ens.az Oxu.az-a istinadən xəbər verir ki, "Joğovurd" nəşri bu barədə diplomatik mənbələrə istinadən məlumat yayıb.

Nəşr yazır ki, ABŞ-li nümayəndələr dəhlizin təkcə texniki deyil, həm də siyasi detallarını müzakirə edəcəklər.

Həmçinin layihəyə investisiya həcmi, prioritetlər və tikinti işlərinə başlama müddətləri mövzusuna da toxunulacaq.

"Hazırda rəsmi mənbələr səfərin detalları və gündəliyi barədə məlumat vermirlər. Lakin müzakirələr qapalı formatda keçiriləcək, qəbul edilən qərarlar isə regionda yeni logistik reallığın formalaşması ilə birbaşa bağlı olacaq", - məlumatda qeyd olunur.