Slimfit
  1. DÜNYA

Kiyev aeroportunda Tehranda təyyarə qəzasının qurbanlarına abidə qoyulub

Kiyev aeroportunda Tehranda təyyarə qəzasının qurbanlarına abidə qoyulub
Sakura

Kiyev aeroportunda Tehranda təyyarə qəzasının qurbanlarına abidə qoyulub

"İran təyyarənin "qara qutusunu” verməkdən imtina edir”
 
MeydanTV xəbər verir ki, Ukrayna paytaxtı Kiyevin "Borispol” Beynəlxalq Hava Limanında keçən ay Tehranda İran İslam İnqilabı Keşikçiləri tərəfindən vurulmuş Ukrayna Hava yollarının təyyarəsində həlak olmuş qurbanların xatirəsinə həsr edilən abidə qoyulub.
 
Hadisə nəticəsində 176 nəfər həlak olub.
 
İran təyyarənin səhv nəticəsində vurulduğunu etiraf edib. Təyyarənin vurulması yanvarın 3-də ABŞ hərbçiləri tərəfindən İraqa gələn Qüds Qüvvələri komandiri General Qasım Süleymaninin öldürülməsi və buna cavab olaraq İranın İraqda yerləşən ABŞ hərbi bazalarını bombalamağı fonunda baş verib.
 
Kiyevdə xatirə daşının üzərində "PS 752, 08.01.2020” həkk edilib.
 
Mərasimə qurbanların yaxınları, həmçinin Ukrayna Xarici İşlər Naziri Vadim Pristayko, Ukrayna Təhlükəsizlik Xidmətinin katibi Oleksiy Danilov və Ukrayna Beynəlxalq Hava yollarının prezidenti Yevhen Dihne qatılıb.
 
Hadisə zamanı vətəndaşlarını itirmiş Əfqanıstan, Böyük Britaniya, Kanada, Almaniya, İran, İsveç kimi ölkələrin nümayəndələri də mərasimdə iştirak edib.
 
Pristayko jurnalistlərə deyib ki, qəzayla bağlı araşdırma hələ də davam edir.
 
"Baş prokurorluq İran tərəfinə sadəcə düyməni basanın deyil, günahkarların hər birinin cəzalandırılması üçün birgə araşdırma qrupu yaratmaq üçün müraciət edib”, o deyib.
 
Pristayko deyib ki, uçuş qeydləri ilə bağlı bir neçə versiyaya baxılır.
 
"İran təyyarənin "qara qutusunu” verməkdən imtina edir. Beynəlxalq razılaşmalara görə, İran ən qısa zamanda təyyarənin qara qutusunu ekspertlərə təhvil verməlidir”, Pristayko bildirib.
 
NBC ilə müsahibə zamanı İran Xarici İşlər Naziri Məhəmməd Cavad Zərif bildirib ki, İran uçuş qeydlərini təkbaşına analiz edə bilmir.
Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Super qapıçı

Redaktor seçimi

SON XƏBƏRLƏR