Ens.az
25 avqust 2019, bazar
.
chevron_left chevron_right
MİLLİ QƏHRƏMANLAR

Kiyevdə insult keçirən Milli Qəhrəmanla müsahibə

Kiyevdə insult keçirən Milli Qəhrəman səhhəti ilə bağlı “Report”a danışıb - Müsahibə

257 Baxış
Kiyevdə insult keçirən Milli Qəhrəmanla müsahibə

Ukraynanın Kiyev şəhərində insult keçirən və hazırda orada müalicə olunan Azərbaycanın Milli Qəhrəmanı Zabit Quliyev “Report”un əməkdaşının suallarını cavablandırıb. Z.Quliyevin müsahibəsini təqdim edirik:

- Zabit müəllim, səhhətiniz necədir, özünüzü necə hiss edirsiniz?

- Hazırda Romodanova adına Neyro-Cərrahiyə İnstitutunda müalicə alıram. Özümü çox yaxşı hiss edirəm.

- Xəstəxanadan çıxacağınız tarix və Bakıya nə vaxt qayıdacağınız bilinirmi?

- Həkimlər həyatım üçün təhlükənin qalmadığını bildirirlər. Həkimlər deyiblər ki, bu həftənin sonunda ambulator müayinəyə buraxılacağam.

- Sizin səhhətinizlə kimlər maraqlanıb?

- Azərbaycan Respublikasının Przedenti cənab İlham Əliyevin ciddi tapşırığından sonra müalicəmlə bağlı bütün məsələlər nəzarətə götürüldü. Azərbaycanın Ukraynadakı səfirliyi bütün lazımı tədbirləri gördü. Mənim özəl xəstəxanaya yerləşdirilməyim və müalicəmin daha ciddi şəkildə aparılması Prezident İlham Əliyevin tapşırığı ilə səfirlik nümayəndələri tərəfindən həyata keçirilib. Cənab Prezident mütəmadi olaraq səhhətimlə maraqlanıb. Mayın 19-da Milli Məclisin sədri Oqtay Əsədov xəstəxanaya gələrək mənə baş çəkdi. O, mənə Prezident İlham Əliyevin salamlarını çatdırdı. Mənim mülicəmin dövlət başçısının birbaşa göstərişi ilə nəzarət altında saxlanıldığını və dövlətimizin müalicə başa çatanadək yardımını əsirgəməyəcəyini bildirdi. Ölkə başçımıza göstərdiyi diqqət və qayğıya görə minnətdarlığımı bildirirəm.

Qeyd edək ki, Zabit Quliyev 1975-ci ildə Kürdəmir rayonunun Ərəbxana kəndində doğulub. 1993-cü il Milli Orduya çağırılan Z.Quliyev Qarabağ müharibəsində Füzuli, Ağdam, Ağdərə və Tərtər rayonlarında ermənilərə qarşı igidliklə vuruşub. Z.Quliyev ermənilərə məxsus zirehli texnikaları dəfələrlə sıradan çıxaran, Azərbaycanın ərazi bütövlüyü, müstəqilliyi uğrunda hər an canını belə fəda etməyə hazır olan cəsur döyüşçü olub. Təkcə Seysulan kəndində gedən döyüşlər zamanı ermənilərin dörd tankını məhv edib. Cəbhədə göstərdiyi rəşadətə görə Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Azərbaycanın Milli Qəhrəmanı adına layiq görülüb. Ailəlidir, bir övladı var.

Z.Quliyev bu il mayın 7-də Ukraynada insult keçirib.


Mənbə: Report.az

adscode
VİDEO QALEREYA
Qartallar böyük lələkləri olan nəhəng quşlardır. Bir qanadından lələyi itirəndə quş digərindən simmetrik şəkildə yerləşmiş lələyi itirir - bu ideal aerodinamikanı saxlamaq üçün lazımdır.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X