1. TEXNOLOGİYA

Kompüterdən Instagram-a necə şəkil yükləmək olar?

Kompüterdən Instagram-a necə şəkil yükləmək olar?

Kompüterdən Instagram-a necə şəkil yükləmək olar?

Bütün smartfonlar üçün Instagram proqramı olmadığı üçün Facebok bunun üçün mobil sayt hazırlayıb ki, onun vasitəsilə siz şəkilləri proqram olmadan yükləyə bilərsiniz. Bu metod kompüterdən şəkillərin yüklənməsi üçün kömək edə bilər.

Lakin Instagram personal kompüterdən mobil sayta daxil olmağa asanlıqla icazə vermir. Kompüterdən ona daxil olmaq üçün İnternetə smartfondan daxil olmağımızı bildirmək lazımdır. Firefox brauzerində Mobile View Switcher əlavəsini quraşdırmaq lazımdır. Chrome brauzerində isə aşağıdakı təlimatı yerinə yetirmək lazımdır:

- chrome brauzerini icra edin və Instagram-ın saytına daxil olun;

- pəncərənin sağ yuxarı küncündəki üç nöqtəli menyu işarəsini basın və “Əlavə alətlər” bölməsindən “Proqramçı alətləri” altbölməsini seçin;

- altbölmənin sol yuxarı küncündə mobil versiyaya keçid düyməsini basın;

- pəncərənin yuxarı hissəsində hansı telefondan daxil olmaq istədiyinizi seçin və F5 basaraq səhifəni yeniləyin.

- indi siz yüklə düyməsi ilə şəkilləri kompüterdən yükləyə bilərsiniz. Nəzərinizə çatdıraq ki, saytda heç bir filtr və şəkillərinizin redaktəsi imkanları yoxdur.

Alternativ metod: Gramblr proqramı

Pulsuz proqram olan Gramblr həmçinin şəkilləri kompüterdən Instagram-a yükləməyə imkan verir, amma bu rəsmi saytdan bir az çətindir:

- proqramı Gramblr rəsmi saytından endirin və kompüterinizdə quraşdırın;

- Proqramı icra edin və Instagram hesabınızın məlumatlarını daxil edin;

- şəkil yükləmək üçün “Fayl Seçin” düyməsini basın. Diqqət edin ki, şəklin ölçüsü kvadrat formalı və 650x650 ölçülü olmalıdır;

- şəkli seçib “Yüklə” düyməsini basın və istəyə görə şəklə izah yazın. Bundan sonra “Gramblr” onu Instagram-da dərc edəcək.

 

Tərcümə: Famil Ələkbərov

Mənbə: Chip jurnalı

Küfür, hakaret, rencide edici ve büyük harfle yazılan yorumlar onaylanmayacaktır.