Könüllü olaraq orduya yazılmışam. – EŞQİN İSMAYILOV

Saytımız vətənpərvər sənətçi EŞQİN İSMAYILOV ilə apardığımız müsahibəni sizlərə təqdim edir:

Nəzərinizə çatdırırıq ki, artıq QAM COMPANY YouTube kanalında yayımlanmış olan - Ssenari müəllifi və Quruluşçu Rejissoru ELŞƏN İSMAYIL olan yeni milli-ideoloji klipdə ifaçı və aktyor olaraq iştirak edən Eşqin İsmayılov əslən Biləsuvarlıdır.

Yaradıcı fəaliyyətiniz və ilk uğurunuz?

- Məktəb illərindən festivallara qoşulurdum. Böyük uğur və nailiyyətlərim olub. 2006-cı ildən efirlərə çıxmağa başladım.

Həyatda dəyərli hesab etdikləriniz?

- Həyatda mənə əziz olan sadiq olan hər şey dəyərlidir. İnsana dəyər verməyi, dostluqda sadiqliyi bacaran insanam.

Həyat qayəniz?

- Mənim həyat qayəm – vətənimə xeyirli insan olmaq, ailəmə, yaxınlarıma yaxşılıq etmək, bu həyatda ancaq yaxşılıq üçün nəsə çalışıram edim ki, məndən sonra bir nişanə qalsın.

İnsanlığa, topluma aid fikirləriniz, sözünüz?

- Çox gözəl ölkədə yaşayıram, ölkəmi ve millətimi çox sevirəm. İnsanlara böyük hörmətim var. Cəmiyyətimiz çox gözəl və dəyərli cəmiyyətdir.

Bu klip haqqında düşüncələriniz, klipin əsas ideyası?

- Klip içimizdən gələn bir vətən duyğusudur. Dostum İqrarla bərabər fikirləşib Elşən müəllimin də ideyasıyla, ssenarisi ilə birlikdə bu klipi ərsəyə gətirdik. Bu klipdə əziyyəti keçən bütün dostlarımıza “çox sağ olun!” deyirəm.

Yaradıcı komanda haqqında düşüncələriniz?

- Hazırda birlikdə çalışdığımız komandamız çox gözəl və dəqiq işləyən insanlardan ibarətdir. Qürurverici insanlarla işlədiyim üçün özünü xoşbəxt hiss edirəm.

Vətən sevgisinin sizin üçün anlamı nədir, özünüz necə başa düşürsünüz bu qavramı?

- Vətən, ana, ana da vətəndir. Anam qədər vətənimi də çox sevirəm. Təbii ki, bu günkü ölkəmizin müharibə dövründə könüllü olaraq orduya yazılmışam. Cənab Ali Baş komandanımızın əmrini gözləyirik. Hər an bu Vətən torpaq uğrunda candan qandan keçməyə hazıram.

Yaradıcılıq planlarınız?

- Bir neçə ildir ki, musiqi sənətiylə məşğulam. Bir çox yarışmalarda iştirak etmişəm. ANS TV-de “TOYLAR KRALI” yarışmasında, ATV  telekanalında “Azərbaycanın səsi”,  4. Türkvizyon musiqi yarışmasında finalçısı olmuşam ve bir mahnıma ”YAR GEDENİ” klip çəkilib. Bundan sonrakı fəaliyyətimi daha da genişləndirəcəyəm. Dinləyicilərimə yeni gözəl ifalarımı çatdıracağam.

İzləyicilərə sözləriniz?

- İzləyicilərimə demək istəyirəm ki, inşallah tezliklə müharibə qələbəylə bitsin, ve yeni mahnı və kliplərlə yeniden qarşınızda olacağam.