Kornavirusdan sağalan italiyalı qadın: "Gözlərimə, bədənimə yaxşı baxın"

Kornavirusdan sağalan italiyalı qadın: "Gözlərimə, bədənimə yaxşı baxın"

Koronavirusdan sağalan 43 yaşlı italiyalı baytar Daniela De Rosa Youtube kanalında video yayımlayıb.

Lent.az “Karma Karışık” adlı Youtube kanalına istinadən xəbər verir ki, Daniela De Rosa video vasitəsilə virusun orqanizminə vurduğu zərərləri sadalayıb:

"Qorxunc bir sətəlcəm, tənəffüs çatışmazlığı ilə virus ağ ciyərlərimin hər ikisini məhv etdi. Günlərlə tənəffüs çatışmazlığı ilə mübarizə apardım. Koronavirusla üz-üzə gəldim. Amma bu gün danışa biləcək vəziyyətimə qayıtdım”.

Reanimasiyaya yerləşdirilən, daha sonra təcrid otağında saxlanılan Rosa xəstəliyə laqeyd qalanlara səslənib:

"Təhlükəni dərk edənlərin sayı çox azdır. Kimisi cahildir, kimisi də hələ ki kifayət qədər qorxmur. Əksəriyyəti özlərinə bir şey olmayacağını hesab edirlər. İstəyirəm onlar mənim halımı görsün. Gözlərimə, bədənimə yaxşı baxın. Bu virusun necə bir bəla olduğunu başa düşün”.